Rahul Dravid: కరోనా నుంచి కోలుకున్న ద్రవిడ్‌

జట్టుతో చేరిక

దుబాయ్‌: టీమ్‌ఇండియా కోచ్‌ రాహుల్‌ ద్రవిడ్‌ కరోనా నుంచి కోలుకున్నాడు. తాజా పరీక్షలో నెగెటివ్‌ రావడంతో ద్రవిడ్‌ వెంటనే దుబాయ్‌కి బయల్దేరాడు. ఆసియా కప్‌లో పాకిస్థాన్‌తో భారత్‌ తొలి మ్యాచ్‌ ఆడడానికి ముందే అతను జట్టుతో కలిశాడు. టోర్నీ కోసం స్వదేశం నుంచి దుబాయ్‌ బయల్దేరే ముందు జట్టు సభ్యులు, సహాయ సిబ్బందికి నిర్వహించిన పరీక్షల్లో ద్రవిడ్‌ కరోనా పాజిటివ్‌గా తేలాడు. దీంతో అతను జట్టుతో పాటు విమానం ఎక్కలేదు. ద్రవిడ్‌ స్థానంలో టోర్నీకి తాత్కాలిక కోచ్‌గా బీసీసీఐ వీవీఎస్‌ లక్ష్మణ్‌ను నియమించింది. ద్రవిడ్‌ తిరిగొచ్చేస్తుండడంతో లక్ష్మణ్‌ ఇండియా-ఎ జట్టు శిక్షణను పర్యవేక్షించేందుకు బెంగళూరుకు బయల్దేరినట్లు తెలిసింది.