Rafael Nadal: రఫేల్‌ నాదల్‌కు ఎంత నగదు బహుమతి వచ్చిందంటే?

మెల్‌బోర్న్‌: సుమారు రెండు వారాల పాటు సాగిన ఆస్ట్రేలియా ఓపెన్‌ మెగా ఈవెంట్‌ ఆదివారం పురుషుల సింగిల్స్‌ ఫైనల్స్‌తో ముగిసింది. స్పానిష్‌ ఆటగాడు, ఆరో సీడ్‌ రఫేల్‌ నాదల్ రికార్డు స్థాయిలో 21వ సారి గ్రాండ్‌స్లామ్‌ టైటిల్‌ అందుకున్నాడు. దీంతో అతడు ఈ ఘనత సాధించి టెన్నిస్‌ చరిత్రలో కొత్త అధ్యాయం లిఖించాడు. మరోవైపు ఫైనల్లో తొలి రెండు సెట్లలో ఆధిపత్యం చెలాయించిన రష్యా ఆటగాడు, రెండో సీడ్‌ మెద్వెదెవ్‌.. తర్వాత వరుసగా మూడు సెట్లు కోల్పోయి చివరికి  2-6, 6-7 (5-7), 6-4, 6-4, 7-5 తేడాతో రన్నరప్‌గా నిలిచాడు. కాగా, వీరిద్దరికీ ఎంత మొత్తంలో నగదు బహుమతి లభించిందనే ఆసక్తి అభిమానుల్లో నెలకొంది. విజేతగా నిలిచిన నాదల్‌కు 2,875,000 ఆస్ట్రేలియా డాలర్ల ప్రైజ్‌మనీ లభించింది. ఇది భారత కరెన్సీలో రూ.15 కోట్లపైమాటే. అలాగే మెద్వెదెవ్‌కు 1,575,000 డాలర్ల ప్రైజ్‌మనీ లభించింది. ఇది రూ.8 కోట్లపైనే.