Shreyas Iyer: వారెవ్వా శ్రేయస్‌.. ఫీల్డింగ్‌ ఫీట్ అదుర్స్‌

సోషల్‌ మీడియాలో వైరల్‌

ఇంటర్నె్ట్ డెస్క్‌: టీ20 ప్రపంచకప్‌లో ఆడాలంటే జట్టులో స్థానాన్ని సుస్థిరం చేసుకోవాలి. దాని కోసం ఆటగాళ్లు తమ నైపుణ్యాలకు పదునుపెట్టి.. ప్రతి మ్యాచ్‌లోనూ అద్భుతంగా రాణించాల్సి ఉంటుంది. ఇప్పుడసలే టీమ్‌ఇండియాలో స్థానం కోసం విపరీతమైన పోటీ నెలకొని ఉంది. ఏ చిన్న అవకాశం వచ్చినా.. ఒడిసిపట్టుకోవడానికి ఆటగాళ్లు సిద్ధంగా ఉంటున్నారు. బ్యాటింగ్‌, బౌలింగ్‌ సహా ఫీల్డింగ్‌లోనూ మంచి ప్రదర్శన చేసిన వారే ప్రపంచకప్‌ తుది జట్టులో ఉండే అవకాశం ఉంది. అందుకే ప్రతి ఆటగాడు సర్వశక్తులూ ఒడ్డుతున్నాడు. ఈ క్రమంలో శ్రేయస్‌ అయ్యర్‌ ఫీల్డింగ్‌ ఫీట్‌ అదిరిపోయింది.

ప్రస్తుతం భారత్‌ జట్టు విండీస్‌ పర్యటనలో ఉంది. ఐదు టీ20ల సిరీస్‌లో భాగంగా జరిగిన తొలి మ్యాచ్‌లో విండీస్‌ను చిత్తు చేసిన టీమ్‌ఇండియా 1-0 ఆధిక్యంలోకి దూసుకెళ్లింది. బ్యాటింగ్‌, బౌలింగ్‌ సహా ఫీల్డింగ్‌లో భారత క్రికెటర్లు చురుగ్గా వ్యవహరించారు. మరీ ముఖ్యంగా శ్రేయస్‌ అయ్యర్‌ ఫీల్డింగ్‌ చేసిన విధానం ఆకట్టుకుంది. విండీస్‌ ఇన్నింగ్స్‌లో ఆ జట్టు సారథి నికోలస్ పూరన్ బ్యాటింగ్‌ చేస్తుండగా అశ్విన్‌ వేసిన బంతిని సిక్సర్‌గా మలిచేందుకు భారీ షాట్ కొట్టాడు. అది సిక్స్‌ అని అందరూ భావించారు. అయితే బౌండరీ లైన్‌ వద్ద ఉన్న శ్రేయస్‌ ఎంతో తెలివిగా వ్యవహరించి ఆ బంతిని అడ్డుకున్నాడు. క్యాచ్‌ పట్టేందుకు ప్రయత్నించి చివరికి బంతిని మైదానం లోపలికి తోసేశాడు. దీంతో పూరన్‌ కేవలం రెండు పరుగులతో సరిపెట్టుకోవాల్సి వచ్చింది. ఆ వీడియో సోషల్‌ మీడియాలో వైరల్‌గా మారింది. మరి శ్రేయస్‌ ఫీల్డింగ్‌ ఫీట్‌ను మీరూ చూసేయండి..

► Read latest Sports News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.