Sunil Gavaskar: భారత్‌ విజయం.. గావస్కర్‌ డ్యాన్స్‌ చూశారా?

ఇంటర్నెట్‌ డెస్క్‌: హైదరాబాద్‌ ఉప్పల్‌ వేదికగా ఆస్ట్రేలియాతో జరిగిన నిర్ణయాత్మక మూడో మ్యాచ్‌లో భారత జట్టు ఘన విజయం సాధించి సిరీస్‌ను పట్టేసిన విషయం తెలిసిందే. ఉత్కంఠంగా సాగిన ఈ మ్యాచ్‌లో చివరి రెండు బంతుల్లో నాలుగు పరుగులు సాధించాల్సిన సమయంలో క్రీజులో ఉన్న హార్దిక్‌ పాండ్య బౌండరీతో విజయాన్ని అందించాడు. దీంతో అభిమానుల ఆనందోత్సాహాలతో ఉప్పల్‌ స్టేడియం దద్దరిల్లిపోయింది. క్రికెటర్లు కూడా సంబురాలు చేసుకుంటూ కనిపించారు. ఇదిలా ఉంటే.. భారత మాజీ కెప్టెన్‌, క్రికెట్‌ ఎనలిస్ట్‌ సునీల్ గావస్కర్ సైతం స్టెప్పులేయడం విశేషం. మ్యాచ్ అనంతర కార్యక్రమంలో ఆస్ట్రేలియా మాజీ దిగ్గజం మాథ్యూ హెడెన్‌తో కలిసి వేదికను పంచుకున్న సన్నీ.. హుషారుగా డ్యాన్స్‌ చేస్తూ కనిపించాడు. ఇందుకు సంబంధించిన వీడియోలు వైరల్‌గా మారాయి.