Dinesh Karthik: టీమ్ఇండియాకు టీ20 కప్పు అందించడమే నా లక్ష్యం: డీకే
రాబోయే టీ20 ప్రపంచకప్లో టీమ్ఇండియాకు కప్పు అందించడమే తన పెద్ద లక్ష్యమని వెటరన్ బ్యాటర్, వికెట్ కీపర్ దినేశ్ కార్తీక్ అన్నాడు. ప్రస్తుతం జరుగుతోన్న టీ20 మెగా లీగ్లో బెంగళూరు...
విరాట్ కోహ్లీతో ఇంటర్వ్యూ చూడండి..
(Photo: Dinesh Karthik Instagram)
ఇంటర్నెట్డెస్క్: రాబోయే టీ20 ప్రపంచకప్లో టీమ్ఇండియాకు కప్పు అందించడమే తన పెద్ద లక్ష్యమని వెటరన్ బ్యాటర్, వికెట్ కీపర్ దినేశ్ కార్తీక్ అన్నాడు. ప్రస్తుతం జరుగుతోన్న టీ20 మెగా లీగ్లో బెంగళూరు తరఫున అదిరిపోయే ప్రదర్శన చేస్తోన్న అతడు గతరాత్రి దిల్లీతో తలపడిన మ్యాచ్లో మరోసారి రెచ్చిపోయాడు. 34 బంతుల్లోనే 5 ఫోర్లు, 5 సిక్సర్ల సాయంతో 66 పరుగులు చేసి నాటౌట్గా నిలిచిన కార్తీక్ మ్యాచ్ అనంతరం విరాట్ కోహ్లీతో ఇంటర్వ్యూలో పాల్గొన్నాడు. ఈ సందర్భంగా తన ప్రస్తుత, దీర్ఘకాల లక్ష్యాలను వెల్లడించాడు.
కోహ్లీ: డీకే చాలా బాగా ఆడావు. మున్ముందు కూడా ఇలాగే ఆడాలని నేను చెప్పలేను. ఎందుకంటే నువ్వు ఈ ఫామ్ను ఇలాగే కొనసాగిస్తావని నాకు తెలుసు. నిన్ను ఇలా చూడటం అద్భుతంగా ఉంది. ఈ మ్యాచ్లో బెంగళూరును గెలిపించినందుకు నీకు ధన్యవాదాలు. 2013 నుంచీ ఇదే నీ అత్యుత్తమ ప్రదర్శన. ఇలా రాణించడానికి ఎలా సన్నద్ధమయ్యావ్?
డీకే: నాకు ఇప్పుడు స్వల్పకాలిక, దీర్ఘకాలిక లక్ష్యాలున్నాయి. స్వల్పకాలిక లక్ష్యమైతే బెంగళూరును గెలిపించడం. అయితే, నేను ఇలా రాణించడానికి కారణం సంజయ్ బంగర్. మెగా వేలంలో నన్ను ఫినిషర్ పాత్ర కోసం దక్కించుకున్నామని ఆయన చెప్పినప్పుడు నాకూ ఇదే కావాలనుకున్నా. అందుకు తగ్గట్టు సన్నద్ధమయ్యా. ఇక దీర్ఘకాలిక లక్ష్యమైతే టీమ్ఇండియాకు ప్రపంచకప్ అందించడం. ఈసారి జరిగే టీ20 ప్రపంచకప్ జట్టులో ఉండాలనుకుంటున్నా. అలాగే జట్టు విజయాలు సాధించాలని ఆశిస్తున్నా. టీమ్ఇండియా మెగా ట్రోఫీలు సాధించి చాలాకాలమైంది. నేను ఇప్పుడు దాన్ని సాధించి పెట్టాలనే కోరికతో ఉన్నా. అందుకోసం చాలా విషయాలపై దృష్టిసారించాలి.
‘ప్రతిరోజూ నేను ఒకటే లక్ష్యంతో ప్రాక్టీస్ చేస్తా. నాలో అత్యుత్తమ ఆటగాడు బయటకు వచ్చేందుకు నెట్స్ సెషన్స్లో నా కోచ్లు అన్ని విధాలుగా అండగా నిలుస్తున్నారు. వారివల్లే ఇది సాధ్యమైంది. వయసు పెరిగేకొద్దీ ఆటగాళ్లు ఫిట్గా ఉండాలి. అందుకోసం నా శక్తిమేరా ప్రయత్నిస్తున్నా. ఇప్పుడు బెంగళూరు తరఫున రాణిస్తుండటం సంతోషంగా ఉంది. ఈ జట్టుతో రెండోసారి ఆడుతున్నా. దాంతో ఇక్కడ ప్రత్యేకంగా నిలవానుకున్నా’ అని డీకే చెప్పుకొచ్చాడు. అనంతరం కోహ్లీ మాట్లాడుతూ.. డీకే ఫినిషర్గా ఇప్పుడు బెంగళూరుకు విజయాలు అందించడం చూసి మాజీ ప్లేయర్ ఏబీ డివిలియర్స్ సంతోషిస్తుంటాడని చెప్పాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ప్రతి మ్యాచ్లో అది పనిచేయదు, అయినా..: కమిన్స్
Pat Cummins: హైదరాబాద్ వేదికగా గురువారం జరిగిన ఐపీఎల్ మ్యాచ్లో బెంగళూరు చేతిలో సన్రైజర్స్ ఓటమిపాలైంది. దీనిపై కమిన్స్ మాట్లాడుతూ.. తమ జట్టు అనుసరిస్తున్న వ్యూహాన్ని సమర్థించుకున్నాడు. -
బెంగళూరు గెలిచిందోచ్..
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.
తాజా వార్తలు (Latest News)
-
బొగ్గు ఓడను విశాఖ పోర్టుకు మళ్లించండి.. అదానీ గంగవరం పోర్టు యాజమాన్యానికి హైకోర్టు ఆదేశం
-
ఆర్టీసీ ప్రయాణికుల వద్దకే శ్రీ సత్యసాయి తాగునీరు
-
లాభాల్లో స్టాక్ మార్కెట్ సూచీలు.. సెన్సెక్స్ @ 74,434
-
ప్రతి మ్యాచ్లో అది పనిచేయదు, అయినా..: కమిన్స్
-
ఈనాడు.నెట్లో టాప్ 10 వార్తలు @ 9 AM
-
స్వతంత్ర అభ్యర్థి విడదల రజని కిడ్నాప్ వ్యవహారంపై దుమారం