స్వచ్ఛతకు కొత్త మార్గం

మురుగు కాలువల్లో పేరుకుపోయే చెత్తాచెదారాన్ని ఎప్పటికప్పుడు తొలగించడం స్థానిక సంస్థల సిబ్బందికి కష్టంతో కూడుకున్న పని. దీనికి విరుగుడుగా హైదరాబాద్‌కు చెందిన ఎన్వి రోబోటిక్స్‌ ప్రైవేట్‌ లిమిటెడ్‌ సంస్థ ఈ యంత్రాన్ని రూపొందించింది. కృత్రిమ మేధతో పనిచేసే ఈ పరికరం కాలువలో కొట్టుకొచ్చే వ్యర్థాలను సేకరించి పక్కనే ఉన్న ఇనుప బకెట్లలో వేస్తుంది. బకెట్‌ నిండాక వాటిని మరో చెత్తబుట్టలో వేస్తుంది. విద్యుత్తు సాయంతో ఈ పరికరం నిరంతరాయంగా పనిచేస్తుంది. మహబూబ్‌నగర్‌ అదనపు కలెక్టర్‌ తేజస్‌ నంద్లాల్‌ పవార్‌ ఆదేశాల మేరకు జిల్లా కేంద్రంలో పెద్ద చెరువుకు వెళ్లే మూడు మురుగు కాలువలపై ఈ పరికరాలను ఏర్పాటు చేశారు.   

- ఈనాడు, మహబూబ్‌నగర్‌