92 మంది ఏపీపీల నియామకం

ఈనాడు, హైదరాబాద్‌: రాష్ట్రవ్యాప్తంగా 92 మంది అసిస్టెంట్‌ పబ్లిక్‌ ప్రాసిక్యూటర్ల (ఏపీపీ) నియామకం పూర్తయింది. 151 మంది ఏపీపీల నియామకానికి గత ఏడాది మార్చి 27న ప్రభుత్వం నోటిఫికేషన్‌ జారీచేసింది. రాత పరీక్షలు, ఇంటర్వ్యూలలో 92 మంది న్యాయవాదులు అర్హత సాధించగా.. తాజాగా వారికి డైరెక్టర్‌ ఆఫ్‌ ప్రాసిక్యూషన్‌ జి.వైజయంతి నియామక ఉత్తర్వులు అందజేశారు. వీరిలో 38 మందిని మల్టీజోన్‌-1లో, 49 మందిని మల్టీజోన్‌-2లో నియమించారు. వీరితో కలిపి రాష్ట్రవ్యాప్తంగా ఉన్న మున్సిఫ్‌ కోర్టుల్లో అసిస్టెంట్‌ పబ్లిక్‌ ప్రాసిక్యూటర్ల సంఖ్య 170కి చేరింది.