దేశ సమైక్యత కోసం రాజీవ్‌గాంధీ ప్రాణత్యాగం: వీహెచ్‌

గాంధీభవన్‌, న్యూస్‌టుడే: దేశ సమైక్యత కోసం తన ప్రాణాన్ని అర్పించిన త్యాగశీలి రాజీవ్‌గాంధీ అని పీసీసీ మాజీ అధ్యక్షుడు వి.హనుమంతరావు కొనియాడారు. మాజీ ప్రధాని రాజీవ్‌గాంధీ సద్భావన యాత్ర కమిటీ ఆధ్వర్యంలో చేపట్టిన రాజీవ్‌గాంధీ స్మారకజ్యోతి శనివారం ఉదయం గాంధీభవన్‌కు చేరుకుంది. ఈ సందర్భంగా వీహెచ్‌ మాట్లాడుతూ.. దేశ అభివృద్ధి, అన్ని వర్గాల సంక్షేమం కోసం పాటుపడిన రాజీవ్‌గాంధీ ఆశయాలను అమలు చేయాలని, అప్పుడే ఆయన ఆత్మకు శాంతి కలుగుతుందన్నారు.

‘కాళేశ్వరం’ కుంభకోణంపై ఫిర్యాదు చేశా

కాళేశ్వరం ప్రాజెక్టు మోటార్ల కొనుగోలు కుంభకోణం తదితర అంశాలపై కాగ్‌, కేంద్ర నీటిపారుదలశాఖ, ఈడీలకు ఫిర్యాదు చేసినట్లు ఏఐసీసీ సభ్యుడు బక్క జడ్సన్‌ తెలిపారు. శనివారం ఆయన గాంధీభవన్‌లో విలేకరులతో మాట్లాడారు.