Breaking | Feedback | ePratibha | E-PAPER | Pratibha

Jharkhand: ఈ నృత్యం.. దానికి గుర్తు

‘బొగ్గు దొంగలు’.. ఈ అమ్మాయిలకున్న ముద్దు పేరు! సూర్యోదయానికి ముందు గంపలను తీసుకొని అధికారుల కళ్లు గప్పి బొగ్గు నింపుకొని పరుగెత్తడమే వీరి పని!

Published : 24 Feb 2023 00:20 IST

‘బొగ్గు దొంగలు’.. ఈ అమ్మాయిలకున్న ముద్దు పేరు! సూర్యోదయానికి ముందు గంపలను తీసుకొని అధికారుల కళ్లు గప్పి బొగ్గు నింపుకొని పరుగెత్తడమే వీరి పని! ఈ క్రమంలో ప్రాణాలు కోల్పోయిన వారూ ఎంతోమంది! ఝార్ఖండ్‌లోని సహనా పహాడి ఈ అమ్మాయిలది. అక్కడంతా ఓపెన్‌ కోల్‌ మైనింగ్‌ గనులే! ఇంట్లో పొయ్యి వెలగాలన్నా.. నాలుగు ముద్దలు కడుపులోకి వెళ్లాలన్నా.. ఈ అమ్మాయిలు తెచ్చే బొగ్గే ఆధారం. చిన్న శరీరం.. ఇరుకు దారుల్లో నడవడం, చిన్న సొరంగాల్లో దూరడం సులువు. ఇంకా.. అమ్మాయి అయితే దొరికినా తిట్లు, తన్నులు తప్పుతాయి. ఒకవేళ మట్టిపెళ్లలు కూలి చనిపోయినా.. అంతకు మించిన హాయి ఏముందన్నది అక్కడివాళ్ల అభిప్రాయం. కటిక పేదరికంలో చదువుకు ఆస్కారమేది? అలాంటి వాళ్లని కూడదీసి పినాకి రాయ్‌ అనే వ్యక్తి..తన భార్య, మరికొందరితో కలిసి అయిదేళ్లుగా ఓ విదేశీ ఎన్‌జీఓ సాయంతో చదువు చెప్పించడమే కాదు.. పుస్తకాలు, తిండి, దుస్తులు వంటివీ సమకూరుస్తున్నారు. ‘కోల్‌ఫీల్డ్‌ చిల్డ్రన్‌ క్లాసెస్‌’ పేరుతో డ్యాన్స్‌, ఆర్ట్స్‌.. నచ్చిన వాటిల్లో శిక్షణిప్పిస్తున్నారు. మసి నిండిన ముఖాలు, దుస్తులతో ఉండే వాళ్లలో ఇప్పుడిప్పుడే మార్పు మొదలైంది. ఉన్నతవిద్య దిశగా వందల మంది అమ్మాయిలు అడుగులు వేస్తున్నారు. బాగా చదివి భవిష్యత్‌లో తమ తలరాతను తాము మార్చుకోగలమన్న ఆశ వారిలో చిగురిస్తోంది! అందుకు చిహ్నమే ఈ నృత్యం.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.