ఇవి తెలుసుకుంటే గెలుపు మనదే..!
విజయం.. అందరికీ ఇష్టమైన పదం. అందరం అన్నిట్లోనూ ఎప్పుడూ గెలవాలనే అనుకుంటాం.. మరి మహిళగా మన దృష్టిలో విజయం అంటే..? అది కేవలం వ్యక్తిగతం కాదు.. ఇటు ఇంట్లోని బాధ్యతలను సమర్థంగా నిర్వర్తిస్తూనే.. అటు వృత్తినీ బ్యాలన్స్ చేసుకోవడం; తల్లిగా పిల్లల్ని ఉత్తమంగా....
విజయం.. అందరికీ ఇష్టమైన పదం. అందరం అన్నిట్లోనూ ఎప్పుడూ గెలవాలనే అనుకుంటాం.. మరి మహిళగా మన దృష్టిలో విజయం అంటే..? అది కేవలం వ్యక్తిగతం కాదు.. ఇటు ఇంట్లోని బాధ్యతలను సమర్థంగా నిర్వర్తిస్తూనే.. అటు వృత్తినీ బ్యాలన్స్ చేసుకోవడం; తల్లిగా పిల్లల్ని ఉత్తమంగా తీర్చిదిద్దడం.. ఇంటి ఆర్థిక వ్యవహారాల్లో చురుగ్గా ఉంటూ కుటుంబాన్ని అభివృద్ధి చేయడం.. ఇలా ఎన్ని పనులతో తీరిక లేకుండా ఉన్నా.. మనకంటూ కాస్త సమయం కేటాయించుకొని ఆరోగ్యంగా-ఫిట్గా మారడం..! ఒక్క మాటలో చెప్పాలంటే- ఇంటా, బయటా రాణిస్తూనే ఆరోగ్యంగా, ఆనందంగా ఉండడం..! మరి ఇదెలా సాధ్యం? కొంతమంది నిపుణులు అందిస్తున్న విలువైన సలహాలు, సూచనలు తెలుసుకుందాం రండి..
60:40 ప్రిన్సిపుల్
ఒక మహిళ తన కెరీర్లో బిజీగా ఉండడం వల్ల ఇంట్లో తగిన సమయం కేటాయించలేక బంధాలను కోల్పోతుంది అని చాలామంది భావన. కానీ అది ఒక అపోహ మాత్రమే. అది అందరి జీవితాల్లో నిజం కాదు. మహిళలు అటు తమ కెరీర్లో ముందుకు సాగుతూనే.. ఇటు కుటుంబానికి సమయం ఇచ్చే క్రమంలో 60:40 ప్రిన్సిపుల్ పాటించాలి. అంటే 60 శాతం కెరీర్కు ప్రాధాన్యమిస్తూ.. 40 శాతం కుటుంబానికి సమయమివ్వాలి. అయితే కొందరు మహిళలు అలా బ్యాలన్స్ చేసుకోలేకపోవడానికీ కొన్ని కారణాలున్నాయి. ముఖ్యంగా కొంతమంది పనులకు ప్రాధాన్యతనివ్వడంలో విఫలమవుతుంటారు. అంటే కెరీర్లో రాణించాలన్న ఆతృతతో వారికి దేనికెంత ప్రాధాన్యం ఇవ్వాలో తెలియదు. కొంతమంది పిల్లల బాధ్యతలను తమ అభివృద్ధికి అడ్డంకిగా భావిస్తుంటారు.
ఈ క్రమంలో వర్క్-లైఫ్ బ్యాలన్స్ అనేది చాలా అవసరం. భార్యగా, అమ్మగా, ఉద్యోగినిగా.. ఇలా రోజూ మనం ఎన్నో పాత్రల్ని పోషిస్తాం. కాబట్టి వాటికి తగ్గట్లుగా మనల్ని మనం మలచుకుంటూ ఓ ప్లాన్ వేసుకుంటే తప్ప వర్క్-లైఫ్ బ్యాలన్స్ సాధ్యం కాదు. ఈ క్రమంలో క్యాలెండర్స్ పెట్టుకోవడం, టు-డూ లిస్ట్లు పెట్టుకోవడం, జర్నల్లో రాసుకోవడం.. ఇలా కుటుంబ బాధ్యతల్ని సమర్థంగా నిర్వర్తించాలంటే ఓ పక్కా ప్రణాళిక ఉండాల్సిందే!
ఆ ఫీలింగ్ వద్దు!
గృహిణుల కంటే వర్కింగ్ మదర్సే తమ పిల్లల్ని బాగా పెంచగలుగుతారని వివిధ అధ్యయనాల్లో తేలిన నిజం. ఇది చాలామందికి తెలియని సీక్రెట్ కూడా! ఎందుకంటే ఉద్యోగాలు చేసే తల్లుల పిల్లలు తమ తల్లుల్నే రోల్మోడల్గా చేసుకుంటారు. ఆత్మవిశ్వాసం, నిర్ణయాలు తీసుకోవడం, సమస్యల్ని పరిష్కరించడం, ఉదయాన్నే లేచి నీట్గా రడీ అయ్యే విధానం.. ఇలా ప్రతి విషయాన్నీ పిల్లలు తమ తల్లుల్ని చూసే నేర్చుకుంటుంటారు. కాబట్టి వృత్తి ఉద్యోగాల వల్ల ఇంట్లో వారికి తగిన సమయం కేటాయించట్లేదని ఏమాత్రం గిల్టీగా ఫీలవ్వాల్సిన పని లేదు.
అలాగే ఉద్యోగం చేసే మహిళలకు తమ కుటుంబ సభ్యులు, భర్త, పిల్లల సపోర్ట్ కూడా చాలా అవసరం. భార్యాభర్తలిద్దరూ అన్ని బాధ్యతల్నీ కలిసి పంచుకోవాలి. అన్ని పనుల్నీ షేర్ చేసుకోవాలి. అప్పుడు పని ఒత్తిడీ తగ్గుతుంది.. ఇద్దరి మధ్య అనుబంధమూ రెట్టింపవుతుంది.
మనకేం కావాలి?
ఎవరి జీవితంలోనైనా రెండు రకాల సంబంధాలుంటాయి. ఒకటి - ఇంటర్పర్సనల్ రిలేషన్షిప్.. అంటే మనకు, ఇతరులతో ఉన్న సంబంధం. రెండోది - ఇంట్రాపర్సనల్ రిలేషన్షిప్.. అంటే మనతో మనకున్న అనుబంధం. ఇది అన్నింటికంటే ముఖ్యమైంది. మహిళలు ఈ పని చేయాలి.. అలా చేయకూడదు.. ఈ ఉద్యోగం చేయాలి.. అంటూ చాలామంది చాలా రకాలుగా చెబుతుంటారు. కానీ వీటన్నింటినీ పక్కన పెట్టి మనకేం కావాలి అనేది ముందుగా ఆలోచించుకోవాలి. ఏదైనా ఉద్యోగం చేయాలన్నా, కెరీర్లో రాణించాలన్నా, వర్క్-లైఫ్ బ్యాలన్స్ చేసుకోవాలన్నా.. మనతో మనకున్న సంబంధాన్ని దృఢపరచుకోవడం ముఖ్యం. అప్పుడే ఇతరుల అభిప్రాయాల్ని వింటూ మనకేమవసరమో గ్రహించగలుగుతాం.
మన ఆరోగ్యమే కుటుంబ క్షేమం!
ఈ రోజుల్లో చాలామంది మహిళలు ఇటు ఇంటి పనుల రీత్యా, అటు వృత్తిపరంగా తీరిక లేకుండా గడుపుతున్నారు. ఈ క్రమంలో తమ కోసం అంటూ కాస్త సమయం కూడా కేటాయించుకోలేకపోతున్నారు. కానీ నేటి మహిళలు అన్ని పనులను సమర్థంగా నిర్వర్తించాలంటే ముందు వారు ఆరోగ్యంగా, ఫిట్గా ఉండడం చాలా ముఖ్యం. అయితే ఇందుకోసం గంటల కొద్దీ సమయం కేటాయించాల్సిన పనిలేదు. రోజూ కేవలం అరగంట చొప్పున వ్యాయామానికి కేటాయిస్తే సరిపోతుంది. లేదంటే అరగంట యోగాపై దృష్టి పెట్టాలి. ముఖ్యంగా యోగాలో ప్రాణాయామాలు చేయడానికి చాలా తక్కువ సమయం పట్టడంతో పాటు ఎన్నో ప్రయోజనాలు చేకూరతాయి.
ఇక ఆహారపుటలవాట్ల విషయానికొస్తే.. ఈ రోజుల్లో చాలామంది భోంచేయడాన్ని కూడా ఏదో పనిలా భావిస్తున్నారు. తీరిక లేని షెడ్యూల్ కారణంగా ఐదు నిమిషాల్లోనే గబగబా తినేస్తున్నారు. దీనివల్ల గ్యాస్ట్రిక్, అజీర్తి.. వంటి ఎన్నో ఉదర సంబంధిత సమస్యలు తలెత్తుతున్నాయి. కాబట్టి తినడానికి కూడా కాస్త సమయం కేటాయించాలి. కనీసం పావుగంట పాటైనా మనం తీసుకునే ఆహారాన్ని నెమ్మదిగా నమిలి తినడం అలవాటు చేసుకోవాలి. ఫలితంగా అరుగుదల బాగుంటుంది.. ఉదర సంబంధిత సమస్యలు కూడా తలెత్తకుండా జాగ్రత్తపడచ్చు. అలాగే ఉదయం లేవగానే గోరువెచ్చటి నీరు తాగడం వల్ల పొట్ట శుభ్రపడుతుంది. సాత్వికాహారం.. అందులోనూ ముఖ్యంగా ఫైబర్ ఎక్కువగా ఉండే పదార్థాలు, స్ప్రౌట్స్, సలాడ్స్.. వంటివి తీసుకోవడం ద్వారా కూడా ఆరోగ్యాన్ని కాపాడుకోవచ్చు.
అవగాహనతోనే ఆర్థికాభివృద్ధి!
కుటుంబ ఆర్థిక వ్యవహారాలను చక్కబెట్టగల సమర్థులు మహిళలే అనడంలో ఎలాంటి సందేహం లేదు. వారికి సహజసిద్ధంగానే ఆ శక్తి ఉంటుంది. పొదుపులో మహిళలే ఉత్తమం కానీ.. ఆర్థికాభివృద్ధి సాధించాలంటే పొదుపు చేస్తే చాలదు.. పెట్టుబడులు కూడా పెట్టాలి. వివిధ మార్గాల్లో పెట్టుబడులు పెడుతున్న మహిళల సంఖ్య గతంలో కన్నా పెరుగుతోంది. అయితే వీరి సంఖ్య మరింత పెరగాలి.
ఎందుకంటే పొదుపు చేస్తే రాబడి తక్కువగా ఉంటుంది.. అదే పెట్టుబడి పెడితే రాబడి ఎక్కువగా ఉంటుంది. కాబట్టి పెట్టుబడుల గురించి మహిళలు అవగాహన పెంచుకుంటే పరిపూర్ణ ఆర్థిక స్వాతంత్ర్యం సంపాదించినట్లే! ప్రస్తుతం ఆదాయ మార్గాలు కూడా మెండుగానే ఉన్నాయి కాబట్టి సంపాదన, పొదుపుతో పాటు పెట్టుబడులు పెట్టే స్థాయికి కూడా స్త్రీ ఎదిగినప్పుడే సంపూర్ణ ఆర్థిక సాధికారత సొంతమవుతుంది. ఈ క్రమంలో తీసుకునే ప్రతి నిర్ణయాన్నీ తానొక్కరే కాకుండా తమ కుటుంబ సభ్యులతో అంటే భర్త, పిల్లలతోనూ చర్చించి తీసుకోవడం మంచిది. ఇలా పిల్లల్నీ ఈ విషయంలో భాగం చేయడం వల్ల వారికీ చిన్నతనం నుంచే ఆర్థిక విషయాలు అర్థమవుతాయి. పొదుపు- మదుపుల గురించి కూడా తెలుస్తుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- పాదాలు పదిలంగా
- స్లిట్... మరింత స్టైల్గా!
- చల్లటి పాలతో..!
- Makeup: ఈ పొరపాట్లు వద్దు!
- మ్యాచింగ్ పోట్లీ మస్తుంది!
ఆరోగ్యమస్తు
- కోపాన్ని తగ్గించే శశాంకాసనం!
- పోషకాల ‘పుట్ట’... ఆరోగ్యానికి ‘గొడుగు’
- అలసట లేకుండా పని చేయాలంటే..!
- ఎత్తును బట్టే..!
- Nayanthara : నచ్చిందే తింటా.. నోరు కట్టేసుకోను!
అనుబంధం
- మీరైతే ఏం చేస్తారు?
- కొలీగ్తో రెండో పెళ్లి.. పేరెంట్స్ వద్దంటున్నారు!
- ‘777’ నియమంతో... బంధం బలోపేతం!
- పిల్లలకు ఎలాంటి పుస్తకం కొంటున్నారు..?
- వాళ్ల ప్రేమ నిజమా? నకిలీనా?
యూత్ కార్నర్
- ఒలింపిక్స్ బరిలో... బిహార్ ఎమ్మెల్యే!
- Paris Olympics: అందుకే ఈసారి వీళ్లు ప్రత్యేకం!
- పాపులారిటీ కోసం ప్రాణాలెందుకు రిస్క్లో పెడతారు?!
- తెలుగమ్మాయి... బ్రిటన్లో మెరిసింది!
- వాళ్లున్నప్పుడు మారిపోతాడు!
'స్వీట్' హోం
- వర్షాలకు మొక్కలు పాడవకుండా..!
- మొక్కలకు కాఫీ పొడి వేస్తున్నారా?
- తగిలిస్తే... పిల్లి వచ్చే!
- నూరు వరహాలతో నిండుగా
- వ్యాపారమా... ఉద్యోగమా?
వర్క్ & లైఫ్
- కత్రినా ‘స్లిమ్’ బాడీ.. ఆ సీక్రెట్స్ ఇవే!
- Flower Truck Business: అందమైన పూల బొకేలతో.. లక్షలు సంపాదిస్తూ..!
- బరువెక్కుతున్న తెలుగు రాష్ట్రాలు!
- ఈ అలవాట్లే మనల్ని ధనవంతుల్ని చేస్తాయట!
- కేర్ టేకర్లు... కోట్లలో కావలెను!