Breaking | Feedback | ePratibha | E-PAPER | Pratibha

కాలం నొప్పిని మాయం చేస్తుంది

ఆ జనరల్‌ కంపార్టుమెంటులో తోటి ప్రయాణికులెవరూ సాయానికి రాకపోయినా.. నాకోసం నేను పోరాడాలనుకున్నా. దుండగులు నలుగురైదుగురు ఉన్నా తిరగబడ్డా.

Published : 08 Nov 2022 00:19 IST

అనుభవ పాఠాలు

ఆ జనరల్‌ కంపార్టుమెంటులో తోటి ప్రయాణికులెవరూ సాయానికి రాకపోయినా.. నాకోసం నేను పోరాడాలనుకున్నా. దుండగులు నలుగురైదుగురు ఉన్నా తిరగబడ్డా. తీవ్రంగా ప్రతిఘటించే సరికి వేగంగా వెళుతున్న రైలు నుంచి నన్ను బయటకు తోసేశారు. ఆ ప్రమాదంలో కాలిని కోల్పోయినా.. తిరిగి కోలుకున్నా. ఎంత నష్ట పోయావు అనేది పెద్ద విషయం కాదు. కాలం ఆ నొప్పిని మాయం చేస్తుంది. ఎప్పుడూ సమున్నత లక్ష్యాలను నిర్దేశించు కోవాలి. వాటిని చేరే వరకూ ఎక్కడా ఆగకూడదు. జాతీయస్థాయి ఫుట్‌బాల్‌, వాలీబాల్‌ క్రీడాకారిణిగా ఎన్నో విజయాలను సాధించిన నేను, సైన్యంలో చేరి దేశసేవలో భాగస్వామినవ్వాలనుకున్నా. తీరా వైకల్యం తోడైంది. ఇలాంటప్పుడే నాకే ఇలా ఎందుకు జరిగింది అని కాక, సాధించాలనే ఆలోచనతో ముందడుగు వేయాలి. ప్రపంచంలో అతి ఎత్తైన పర్వతాల్ని ఎక్కి అక్కడ మన జాతీయ పతాకాన్ని ఎగరేయాలని లక్ష్యంగా పెట్టుకున్నా. నిరుత్సాహ పరిచారందరూ. సాధించాక వాళ్లే అభిప్రాయాన్ని మార్చుకుంటారని అనుకున్నా. కుంగుబాటు, ఓటమి వంటి ఆలోచనలకు తావు లేకుండా పట్టుదల, కష్టపడేతత్వం ఉంటే చాలు. ఏ పరిస్థితినైనా దాటగలం.
- అరుణిమ సిన్హా, ఎవరెస్టు శిఖరాన్ని అధిరోహించిన తొలి వికలాంగురాలు

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.