Published : 27/11/2022 00:06 IST

మూలాల్ని మరవకూడదు..

అనుభవ పాఠం

‘సెకండ్‌ వస్తే చప్పట్లు కొడతారు, పొగుడుతారు. కానీ త్వరగా మరచిపోతారు. చరిత్రలో నిలవాలంటే మొదటి స్థానంలో నిలవాలి’... ఈ మాటే నాకు స్ఫూర్తి. నేను చాలా కాంస్య పతకాలు గెలిచాను! అవెన్ని సాధించినా సంతృప్తి కలిగేది కాదు. ఈ ఏడాది ఆసియన్‌ బాక్సింగ్‌ ఛాంపియన్‌షిప్‌లో బంగారు పతకం గెలవడం నాకు చాలా సంతృప్తినిచ్చిన విషయం. ఇవన్నీ ఎలా ఉన్నా... నా లక్ష్యం ఒలింపిక్స్‌లో స్వర్ణం. దానికోసమే నా మార్గాన్ని మార్చుకున్నా. అసోంలో చిన్న పల్లెటూరు మాది. అమ్మా నాన్న రెక్కల కష్టం మీదే ఇల్లు గడిచేది. పైగా ముగ్గురు అమ్మాయిలం. ఎవరెంత వారించినా నాన్న మాత్రం ఆటల్లో ప్రోత్సహించారు. అక్కల్లాగే మార్షల్‌ ఆర్ట్‌ను ఎంచుకున్నా. దీనికి ఒలింపిక్స్‌ అవకాశం లేదని తెలిశాక బాక్సింగ్‌కు మారా. లక్ష్యాన్ని చేరాలంటే కష్టపడాలిగా! అందుకే ఆ విషయంలో ఎప్పుడూ వెనకాడను. ఫలితమే తాజా బంగారు పతకం. ఎక్కడెన్ని పతకాలు గెలిచినా ఇంట్లో సాధారణ అమ్మాయినే! ఇంటి పనుల్లో, నాన్నకు పొలంలో సాయం చేస్తా. ‘ఇప్పుడు నీకో గుర్తింపు ఉంది. ఇంకా ఇవన్నీ చేస్తే ఎలా’ అంటారు చాలా మంది. నా ఉనికే ఇది. లక్ష్యమే కాదు.. ఎంత ఎదిగినా మూలాల్ని మరచిపోకూడదు. అప్పుడే.. విజయానికీ సార్థకత!

- లవ్లీనా బొర్గోహైన్‌, బాక్సర్‌


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

ఆ ప్రమాదం.. వ్యాపారవేత్తను చేసింది

సినిమా, కాలక్షేపం, స్నేహితులతో ముచ్చట్లు.. సందర్భం ఏదైనా మనకు చిరుతిళ్లు ఉండాల్సిందే! వాటిని నిల్వ ఉంచడానికి వాడే రసాయనాలు, చక్కెరలు, రిఫైన్డ్‌ ఆయిల్స్‌.. అన్నీ అనారోగ్యకరమైనవే! చదువుతున్నప్పుడు కంటే స్వీయ అనుభవంతో ఈ విషయం మరింత అవగాహనకు వచ్చింది అపూర్వ గురురాజ్‌కు. దీంతో ఆరోగ్యకరమైన చిరుతిళ్లను ఉత్పత్తి చేస్తూ.. విదేశాలకూ ఎగుమతి చేసే స్థాయికి ఎదిగారు. ఆమెను వసుంధర పలకరించగా తన గురించి చెప్పుకొచ్చారిలా.. మాది బెంగళూరు. ఆరేళ్లన్నప్పుడు అమ్మను కోల్పోయా. సివిల్‌ ఇంజినీర్‌ అయిన నాన్న వ్యాపారవేత్త కూడా. నాకేమో ఫోరెన్సిక్‌ శాస్త్రవేత్త కావాలని.. నాన్నేమో ఇంజినీరింగ్‌ చేయాలని.. రెండూ కాక కెమిస్ట్రీ, జువాలజీ, న్యూట్రిషన్‌లున్న ట్రిపుల్‌ మేజర్‌ కోర్సును ఎంచుకున్నా. అది చదివేప్పుడే ఎంటీఆర్‌, పెప్సీ సంస్థల్లో ఇంటర్న్‌గా ఉత్పత్తుల్లో పోషకాల ప్రమాణాల గురించి తెలుసుకున్నా. భారతీయ ఆహారశైలిలో పోషకాలకే ప్రాధాన్యం. కానీ మనకు లభ్యమయ్యే ప్యాకేజ్డ్‌ ఆహారంలో 90శాతం పాశ్చాత్యుల జీవనశైలికి అనువైనవే. పైగా వీటి నిల్వకు వాడే రసాయనాలు ఆరోగ్యానికి చేటని ఫీల్డ్‌వర్క్‌లో గుర్తించా. ఆసక్తికర విషయమేమిటంటే మన ధాన్యాలను ఎగుమతి చేసుకొని మనకే ఇలా అమ్ముతుండటం! అపోలో ఆస్పత్రిలో ఆంకాలజీ న్యూట్రిషన్‌ విభాగంలో కొన్నాళ్లు పనిచేసినపుడు వీటిపై మరింత స్పష్టత వచ్చింది.

తరువాయి