పరిష్కారం.. కోట్ల వ్యాపారమైంది!
అందానికి ఎంతో ప్రాధాన్యమిచ్చే అమ్మాయిలు చిన్న చర్మసమస్యనీ తట్టుకోలేరు. జీలమ్ కూడా అంతే! తనకి సొరియాసిస్.
అందానికి ఎంతో ప్రాధాన్యమిచ్చే అమ్మాయిలు చిన్న చర్మసమస్యనీ తట్టుకోలేరు. జీలమ్ కూడా అంతే! తనకి సొరియాసిస్. పోగొట్టుకోవడానికని మార్కెట్లో దొరికే ఉత్పత్తులెన్నో వాడింది. తగ్గక పోగా కొత్త సమస్యలొచ్చాయి. అప్పుడు సహజ ఉత్పత్తుల మీద దృష్టిపెట్టి విజయం సాధించింది. తర్వాత దాన్నే తన వ్యాపార మార్గంగా మలచుకొని విజయపథంలో సాగుతోంది.
చర్మ సౌందర్యానికి ఇంట్లో దొరికే సహజ పదార్థాలే ఎక్కువ మేలు చేస్తాయన్నది ‘జీలమ్ అనికిందీ’ నమ్మకం. కానీ ఎప్పుడూ ఉద్యోగంతో తీరిక లేకుండా గడిపే తనకు ఆ చిట్కాలను పాటించే సమయం ఉండేది కాదు. దీంతో మార్కెట్లో దొరికే ఉత్పత్తుల వైపే మొగ్గు చూపింది. తనకి సోరియాసిస్ సోకి చర్మమంతా పాడయ్యేది. ఎన్ని ఉత్పత్తులు వాడినా ప్రయోజనం లేదు. అసలు వాటిలో ఏమేం ఉపయోగిస్తున్నారో పరిశీలించింది. ఆ ప్రొడక్టుల్లో ఉపయోగించే నిల్వకారకాలు, రసాయనాలు అన్నీ చర్మానికి హాని కలిగించేవే! దీంతో వాటిని వాడకం ఆపేసింది. కొబ్బరి నూనె, కలబందతోపాటు కొన్ని వంటింటి వస్తువులను ఉపయోగించి తన సమస్యను పోగొట్టుకోగలిగింది. అదిచ్చిన విశ్వాసంతో ‘స్వీయ రక్షణ’ అని అర్థమొచ్చేలా 2011లో సొంత సంస్థ ‘సుయ్-కురా’ను ప్రారంభించింది.
‘ప్రతిదాన్నీ తరచి చూసి కొనడం అలవాటు నాకు. మెరుగైన ఉత్పత్తి అందుబాటు ధరలో తయారు చేయాలనుకున్నా. నాది సున్నితమైన చర్మం. ప్రతి ఉత్పత్తినీ స్వయంగా తయారు చేస్తా. మొదట నా చర్మంపైనే పరీక్షిస్తా. ఫలితం బాగున్నాకే మార్కెట్లోకి తీసుకొస్తా’ననే జీలమ్ ఓ స్పోర్ట్స్ మీడియా సంస్థలో మార్కెటింగ్ ప్రొఫెషనల్గా చేసింది. అనారోగ్య సమస్యల కారణంగా ఉద్యోగాన్ని వదిలేసింది. కోలుకున్నాక అనుకోకుండా వ్యాపారంలోకి అడుగుపెట్టింది. చర్మానికి ఏవేవి, ఎలా మేలు చేస్తాయన్నది బామ్మ నుంచి, స్వీయ పరిశోధన ద్వారా నేర్చుకుంది. వాటిని తను ఉపయోగించడమే కాక బంధువులు, స్నేహితులకీ చేసిచ్చింది. అవి నచ్చడమే కాదు మళ్లీ మళ్లీ చేసివ్వమనే వారు. అలా వ్యాపకం కాస్తా వ్యాపారమైంది. చర్మ, కేశ ఉత్పత్తులతోపాటు శుభ్రత, మానసిక ఆరోగ్యానికి సంబంధించినవీ తయారు చేస్తోంది. ఇవన్నీ చర్మ సంరక్షణకు ఎక్కువ సమయం కేటాయించలేని వారికి అనుకూలంగా ఉంటాయి. వీటిని దేశమంతా విక్రయిస్తూ కోట్ల వ్యాపారం చేస్తోంది.
సొంత వ్యాపార కల నెరవేరడం ఎంత కష్టమో జీలమ్కి తెలుసు. అందుకే ఆంత్రప్రెన్యూర్ కనెక్ట్ పేరుతో స్టార్టప్లకు చేయూతనిస్తోంది. 75 మంది నిపుణులతో బృందాన్ని ఏర్పరచి కొత్తగా ఈ రంగంలోకి వచ్చే వారికి నైపుణ్యాలు, వనరులు, నిపుణుల సాయం వంటి అంశాల్లో సాయపడుతోంది. తన కల నెరవేర్చుకొని ఇతరులకూ ఆ అవకాశం దక్కేలా చేస్తోన్న ఆమె కృషి అభినందనీయమే కదూ!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- ధవళవర్ణంలో దేవకన్యలా..!
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- పొడవైన శిరోజాలతో... గిన్నిస్బుక్లో..!
- ఈ ఆహారంతో జుట్టు ఆరోగ్యంగా..!
ఆరోగ్యమస్తు
- వీటితో.. కడుపు చల్లగా.. ఆరోగ్యంగా..!
- చనుబాలు ఎక్కువగా వస్తున్నాయి.. తగ్గేదెలా?
- మెనోపాజా... వ్యాయామం చేయండి!
- ఎండకో గొడుగు..!
- హార్మోన్లు సమతులంగా ఉండాలంటే..!
అనుబంధం
- ప్రయోగాలతో నేర్పిద్దామా?
- పెంపకంబట్టి ఎదుగుతారు.!
- నాన్నంటే భయపడుతున్నారు..!
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
యూత్ కార్నర్
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
'స్వీట్' హోం
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
వర్క్ & లైఫ్
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!
- భరణం ఇవ్వాల్సొస్తుందని ఉద్యోగం మానేశాడు!