Breaking | Feedback | ePratibha | E-PAPER | Pratibha

ఆమె రాకే.. మలుపు!

అనుష్క రాక ముందు నా ప్రపంచమంతా సాదాగానే అనిపించేది. రోజులన్నీ ఒకేలా ఉండేవి. తనని చూసిన క్షణమే కొత్త ప్రపంచం పరిచయమైంది.

Updated : 19 Mar 2023 03:01 IST

ఆమెకు సలాం

అనుష్క రాక ముందు నా ప్రపంచమంతా సాదాగానే అనిపించేది. రోజులన్నీ ఒకేలా ఉండేవి. తనని చూసిన క్షణమే కొత్త ప్రపంచం పరిచయమైంది. నిజానికి తనని చూసిన మొదటిరోజు నేనే కంగారుపడ్డా. తను మాత్రం చాలా ఆత్మవిశ్వాసంతో ఉంది. అది నన్నెంతో ఆశ్చర్యపరిచింది. అందుకే నా జీవితం మారిన క్షణమేదంటే ఆమె పరిచయమే అని చెబుతా! జీవితాన్ని కొత్త కోణంలో చూడటం అప్పుడే మొదలైంది. ప్రేమలో పడ్డాక ఎవరి జీవితంలోనైనా మార్పు సహజం అంటారు కదా! నిజమే.. ఇద్దరూ కలిసి నడవాలంటే కొంత మార్పు అవసరమే.. అయితే అది నా జీవితానికి పెద్ద మలుపు. మా పాప వామిక పుట్టాక మరెన్నో మార్పులు. ఓ భార్యగా, తల్లిగా అనుష్క ఎన్ని త్యాగాలు చేసిందో! ఆమెను చూశాక సమస్య ఏదైనా ధైర్యంగా ఎదుర్కోగలనని అనిపిస్తుంటుంది. జీవితం పట్ల ఆమె దృక్పథమే వేరు. తన నుంచి ఎన్నో సందర్భాల్లో స్ఫూర్తి పొందుతుంటా. ఎన్నో విషయాలు.. ముఖ్యంగా ఏం జరిగినా దాన్ని అంగీకరిస్తూ ముందుకు ఎలా సాగాలో నాకు తనే నేర్పింది. ప్రతి దశలోనూ అండగా ఉంది. ఆమెను చూశాక, తను ఎదుర్కొన్న సవాళ్లలో నావి 5 శాతం కూడా ఉండవనిపించింది. అంతలా నా దృక్పథాన్ని మార్చింది అనుష్క! అందుకే ఆమె నా జీవితంలో ప్రత్యేకం!

- విరాట్‌ కోహ్లీ, క్రికెటర్‌

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.