పల్లె నుంచి ప్రపంచస్థాయికి!
ఆ అమ్మాయి స్కూల్ టాపర్... కానీ పద్దెనిమిదేళ్లకే పెళ్లి చేసుకోవాల్సిన పరిస్థితి... అయితే, అలానే ఉండిపోవాలనుకోలేదామె. తన కాళ్ల మీద తాను నిలబడాలనుకుంది.
ఆ అమ్మాయి స్కూల్ టాపర్... కానీ పద్దెనిమిదేళ్లకే పెళ్లి చేసుకోవాల్సిన పరిస్థితి... అయితే, అలానే ఉండిపోవాలనుకోలేదామె. తన కాళ్ల మీద తాను నిలబడాలనుకుంది. ‘వనోపాజ్’ అనే ఫార్మర్ ప్రొడ్యూసర్ కంపెనీని ప్రారంభించి తాను ఎదగటమే కాదు, ఎంతోమంది గ్రామీణ మహిళా రైతులకూ వ్యవసాయంలో మెలకువలు నేర్పుతోంది. ఆమే ఝార్ఖండ్కు చెందిన పుష్ప కుష్వాహ. వ్యవసాయంపై ఏమాత్రం అవగాహన లేని అమ్మాయి అగ్రి- ఆంత్రప్రెన్యూర్గా ఎలా మారిందంటే...
చదువుల్లో చురుగ్గా ఉండే పుష్ప... తల్లిదండ్రుల కోరిక మేరకు ఇంటర్ అయిపోయిన వెంటనే, పద్దెనిమిదేళ్లకే పెళ్లి చేసుకుంది. పై చదువులు చదవాలనే కోరిక ఉన్నా, అత్తింటివాళ్ల ఆచారాలకు తలొగ్గింది. కానీ ఎలాగైనా చదువుకోవాలనే పట్టుదలతో స్థానిక కళాశాలలో దూరవిద్య ద్వారా డిగ్రీలో చేరింది. అప్పటికే తనకో పాప. ఇంటి పనులు చేసుకుంటూ, బిడ్డను చూసుకుంటూనే తనకున్న కొద్ది సమయంలోనే చదువుకుంటూ పొలిటికల్ సైన్స్లో పట్టా అందుకుంది.
మెరుగైన జీవితం కోసం...
ఒక మహిళకు ఆర్థిక స్వావలంబన ఎంత ముఖ్యమో అర్థం చేసుకుంది పుష్ప. అందులో భాగంగా ముందు స్వయం సహాయక సంఘంలో చేరి, క్రమంగా అందులో శిక్షకురాలిగా ఎదిగింది. అయితే తనే సొంతంగా ఎందుకు వ్యాపారం చేయకూడదని ఆలోచించి ‘వనోపాజ్’ అనే ఫార్మర్ ప్రొడ్యూసర్ కంపెనీ(ఎఫ్పీసీ) స్థాపించింది. ఇందులో చేరిన సభ్యులు తమ పంట ఉత్పత్తులను అమ్ముకోవటం, మార్కెటింగ్... వంటి సేవలెన్నింటినో పొందొచ్చు. ఆ తర్వాత ‘బెటర్ లైఫ్ ఫామింగ్’ అనే సంస్థతో కలిసి సన్నకారు మహిళా రైతులకు సేంద్రియ విధానం, పంట సంరక్షణా పద్ధతులు, ఎరువులను ఉపయోగించటం, నీటి నిర్వహణ వంటి వాటిల్లో శిక్షణ ఇప్పించేది. అవసరమైన వాళ్లకు రుణ సౌకర్యమూ కల్పించేది. తమ పంటకు మార్కెట్లో సరైన ధర లేకుంటే రైతులు వనోపాజ్ ద్వారా అమ్ముకోవచ్చు. అలాగే ఆ ఉత్పత్తులను శుద్ధి చేసి ఇతర బ్రాండ్లకూ అమ్ముకునే సౌకర్యాన్ని కల్పించింది. అలా హజారీబాగ్లోని 3వేలమంది మహిళా ఆంత్రప్రెన్యూర్లకు శిక్షణనిచ్చి, వారి జీవితాల్లో మార్పు తీసుకొచ్చింది పుష్ప. ‘‘మా గ్రామంలో 50 ఇళ్లుంటే అందులో 30 ఇళ్లలో మగవారు వేరే ప్రాంతాల్లో పనులు చేస్తుంటారు. ఇక వ్యవసాయాన్ని చూసుకోవాల్సిన బాధ్యత ఆ ఇంటి మహిళలదే. అయితే మొదట నాకూ సాగుపై అవగాహన లేదు. కానీ వెనుదిరగాలనుకోలేదు. ఎవరైనా నువ్వు చేయలేవు అంటే కచ్చితంగా నేను ఆ పనిలో విజయం సాధించి చూపించేదాన్ని. అలా వ్యవసాయాన్నీ తీసుకున్నా’’ అంటోన్న పుష్ప తాజాగా జర్మనీలో జరగనున్న గ్లోబల్ ఫార్మర్ సర్వేకు మనదేశ ప్రతినిధిగా ఎంపికవటం హర్షించదగ్గ విషయమే కదూ.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- పాదాలు పదిలంగా
- స్లిట్... మరింత స్టైల్గా!
- చల్లటి పాలతో..!
- Makeup: ఈ పొరపాట్లు వద్దు!
- మ్యాచింగ్ పోట్లీ మస్తుంది!
ఆరోగ్యమస్తు
- కోపాన్ని తగ్గించే శశాంకాసనం!
- పోషకాల ‘పుట్ట’... ఆరోగ్యానికి ‘గొడుగు’
- అలసట లేకుండా పని చేయాలంటే..!
- ఎత్తును బట్టే..!
- Nayanthara : నచ్చిందే తింటా.. నోరు కట్టేసుకోను!
అనుబంధం
- మీరైతే ఏం చేస్తారు?
- కొలీగ్తో రెండో పెళ్లి.. పేరెంట్స్ వద్దంటున్నారు!
- ‘777’ నియమంతో... బంధం బలోపేతం!
- పిల్లలకు ఎలాంటి పుస్తకం కొంటున్నారు..?
- వాళ్ల ప్రేమ నిజమా? నకిలీనా?
యూత్ కార్నర్
- ఒలింపిక్స్ బరిలో... బిహార్ ఎమ్మెల్యే!
- Paris Olympics: అందుకే ఈసారి వీళ్లు ప్రత్యేకం!
- పాపులారిటీ కోసం ప్రాణాలెందుకు రిస్క్లో పెడతారు?!
- తెలుగమ్మాయి... బ్రిటన్లో మెరిసింది!
- వాళ్లున్నప్పుడు మారిపోతాడు!
'స్వీట్' హోం
- వర్షాలకు మొక్కలు పాడవకుండా..!
- మొక్కలకు కాఫీ పొడి వేస్తున్నారా?
- తగిలిస్తే... పిల్లి వచ్చే!
- నూరు వరహాలతో నిండుగా
- వ్యాపారమా... ఉద్యోగమా?
వర్క్ & లైఫ్
- కత్రినా ‘స్లిమ్’ బాడీ.. ఆ సీక్రెట్స్ ఇవే!
- Flower Truck Business: అందమైన పూల బొకేలతో.. లక్షలు సంపాదిస్తూ..!
- బరువెక్కుతున్న తెలుగు రాష్ట్రాలు!
- ఈ అలవాట్లే మనల్ని ధనవంతుల్ని చేస్తాయట!
- కేర్ టేకర్లు... కోట్లలో కావలెను!