Published : 09/03/2023 01:13 IST

పని తప్ప ఇంకో ధ్యాస ఉండదు...

కోల్‌కతాలో పుట్టిన గీతా గోపీనాథ్‌, పై చదువుల కోసం అమెరికా వెళ్లి అక్కడే స్థిరపడ్డారు. అంతర్జాతీయ ద్రవ్య నిధికి ప్రధాన ఆర్థికవేత్తగా నియమితులై ప్రశంసలందుకుంటున్నారు. ఐఎంఎఫ్‌లో చేరడానికి ముందు షికాగో యూనివర్సిటీలో సహాయ ప్రొఫెసర్‌గా, హార్వర్డ్‌ విశ్వవిద్యాలయంలో ప్రొఫెసర్‌గా సేవలందించారు.

‘భారతదేశంలో ఆడపిల్ల అనేదొక్కటే కాదు, ఏ కుటుంబంలో పుట్టారనేది కూడా చూస్తారు. అది వాళ్లమీదెంత ప్రభావం చూపుతుందో ఆలోచించరు. నేను మాత్రం నా సాంకేతిక పరిజ్ఞానం, నైపుణ్యాల గురించే ఆలోచిస్తాను. నాకు పని తప్ప ఇంకో ధ్యాస ఉండదు. ఇతరులు నా మీద వేసే రకరకాల ముద్రలను లక్ష్యపెట్టను. అబ్బాయిలతో పోలిస్తే నేను తక్కువనే భావన నాకెప్పుడూ కలగలేదు. ఒకరకంగా ఆ వైఖరి నా ఆత్మవిశ్వాసాన్ని మరింత పెంచింది. స్త్రీలు దేశదేశాల విధివిధానాలు, ప్రస్తుత పరిస్థితులు, ఆర్థిక అంశాలు.. అన్నీ తెలుసుకోవాలి. ఇవి ప్రత్యక్షంగానో పరోక్షంగానో ఉపయోగపడతాయి. కష్టం వచ్చాక బాధపడే కంటే అలాంటి పరిస్థితి రాకముందే అప్రమత్తంగా ఉండటం ఉత్తమం. వాణిజ్య వైరుధ్యాలను పరిష్కరించడానికి, వాతావరణ మార్పులకు సంబంధించి, సైబర్‌ భద్రతలో వచ్చే సమస్యలను పరిష్కరించడానికి, ఆయా విధివిధానాలను మెరుగుపరచడానికి మరింత సహకారం అవసరం. అవకాశం ఉన్న మహిళలు వ్యాపారం చేసేందుకు సిద్ధపడితే అది ఎందరికో ఉపాధి చూపుతుంది. ఆయా సంస్థల్లో స్త్రీల అవసరాన్ని గుర్తించి ఎందరో మహిళలకి స్థానం కల్పిస్తున్న మాట నిజమే. కానీ వాళ్లకి తగిన సదుపాయాలు సమకూర్చాల్సిన అవసరం ఉంది’ అంటారామె.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.