రిపబ్లిక్ పరేడ్లో ‘రఫేల్ రాణి’..!
దేశవ్యాప్తంగా 73వ గణతంత్ర వేడుకలు అట్టహాసంగా జరిగాయి. ఈ వేడుకలు దేశమంతా జరిగినా దిల్లీలోని రాజ్పథ్ మార్గంలో జరిగే వేడుకలపైనే అందరి చూపు ఉంటుంది. పలు రాష్ట్రాలు, శాఖలకు సంబంధించిన శకటాలను అక్కడ ప్రదర్శించడమే ఇందుకు కారణం. ఈసారి కూడా శకటాల ప్రదర్శన కనులవిందుగా సాగింది.
(Photo: Screengrab)
దేశవ్యాప్తంగా 73వ గణతంత్ర వేడుకలు అట్టహాసంగా జరిగాయి. ఈ వేడుకలు దేశమంతా జరిగినా దిల్లీలోని రాజ్పథ్ మార్గంలో జరిగే వేడుకలపైనే అందరి చూపు ఉంటుంది. పలు రాష్ట్రాలు, శాఖలకు సంబంధించిన శకటాలను అక్కడ ప్రదర్శించడమే ఇందుకు కారణం. ఈసారి కూడా శకటాల ప్రదర్శన కనులవిందుగా సాగింది. ఇందులో భారత వాయుసేనకు సంబంధించిన శకటం చూపరులను ఆకట్టుకుంది. దేశంలోనే ప్రతిష్టాత్మక రఫేల్ యుద్ధవిమానాన్ని నడిపిన మొదటి మహిళ శివాంగి సింగ్ ఈ పరేడ్లో పాలుపంచుకున్నారు. ఆమె శకటంపై నిల్చొని సెల్యూట్ చేస్తూ కనిపించారు. ఇలా గణతంత్ర వేడుకల పరేడ్లో పాల్గొన్న రెండో పైలట్గా శివాంగి ఘనత సాధించారు. అంతకుముందు 2021లో ఫ్లైట్ లెఫ్టినెంట్ భావనా కాంత్ ఈ అవకాశం దక్కించుకున్నారు.
పక్షిలా ఎగరాలని!
శివాంగి సింగ్ స్వస్థలం వారణాసి. అక్కడే పాఠశాల విద్యాభ్యాసం పూర్తి చేసిన ఆమె.. బెనారస్ హిందూ విశ్వవిద్యాలయంలో డిగ్రీ పట్టా అందుకున్నారు. ఈ క్రమంలోనే ఎన్సీసీలో కూడా చేరారామె. ఆపై 2016లో ఎయిర్ఫోర్స్ అకాడమీలో శిక్షణ తీసుకున్నారు. చిన్నతనం నుంచీ పక్షిలా ఆకాశంలో ఎగరాలని కలలు కన్న శివాంగి.. ఎప్పటికైనా పైలట్ అవ్వాలని అప్పుడే నిశ్చయించుకున్నారు. ఇలా ఆమె ఆశకు మొదటి దశ యుద్ధ విమాన పైలట్లుగా నియమితులైన మోహనా సింగ్, భావనా కాంత్, అవనీ చతుర్వేది ఆయువు పోశారు. వారి స్ఫూర్తితోనే 2017లో రెండో దశ యుద్ధ విమాన పైలట్లలో ఒకరిగా ఎంపికైన శివాంగి.. మిగ్-21 బైసన్ యుద్ధ విమానాలు నడపడంలో ప్రావీణ్యం సాధించారు. ఆ అనుభవంతోనే 2020లో దేశంలోనే అత్యాధునిక రఫేల్ యుద్ధ విమానాన్ని నడిపే అవకాశం దక్కించుకున్నారు. దాంతో శివాంగి.. ‘రఫేల్ రాణి’గా పేరు సంపాదించారు. శివాంగి అంబాలా ఎయిర్బేస్లోని ‘గోల్డెన్ యారోస్’ స్క్వాడ్రన్ బృందంలో భాగంగా ఉన్నారు.
శకటం ప్రత్యేకతలు...
‘భవిష్యత్తు కోసం భారత వైమానిక దళం రూపాంతరం చెందుతోంది’ అనే థీమ్తో ఇండియన్ ఎయిర్ ఫోర్స్ గణతంత్ర వేడుకల పరేడ్లో శకటాన్ని ప్రదర్శించింది. ఈ శకటంలో రఫేల్ ఫైటర్ జెట్ యుద్ధ విమానం, స్వదేశీయంగా అభివృద్ధి చేసిన తేలికపాటి యుద్ధ హెలికాప్టర్(LCH), త్రీడీ రాడార్ ఆశ్లేషా ఎంకే-1లకు సంబంధించిన నమూనాలను ప్రదర్శించారు. 1971 పాకిస్థాన్తో యుద్ధ సమయంలో ముఖ్య పాత్ర వహించిన మిగ్-21 విమానం నమూనాను కూడా ఈ శకటంలో పొందుపరిచారు. ఈ శకటంపై రఫేల్ రాణి శివాంగి సింగ్ సెల్యూట్ చేస్తూ కనిపించారు.
ప్రముఖ పారిశ్రామిక వేత్త ఆనంద్ మహీంద్రా ‘అవును! మీరు శివంగి లాగా శత్రువుల మీద విరుచుకు పడండి! మీరు మా రఫేల్ రాణి’ అంటూ శివాంగిని ప్రశంసిస్తూ ట్వీటారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- పాదాలు పదిలంగా
- స్లిట్... మరింత స్టైల్గా!
- చల్లటి పాలతో..!
- Makeup: ఈ పొరపాట్లు వద్దు!
- మ్యాచింగ్ పోట్లీ మస్తుంది!
ఆరోగ్యమస్తు
- అలసట లేకుండా పని చేయాలంటే..!
- కోపాన్ని తగ్గించే శశాంకాసనం!
- పోషకాల ‘పుట్ట’... ఆరోగ్యానికి ‘గొడుగు’
- ఎత్తును బట్టే..!
- Nayanthara : నచ్చిందే తింటా.. నోరు కట్టేసుకోను!
అనుబంధం
- నా ఉత్తరాలు చూసి.. కన్నీళ్లతో హత్తుకున్నారు.. తీరు మార్చుకున్నారు!
- కొలీగ్తో రెండో పెళ్లి.. పేరెంట్స్ వద్దంటున్నారు!
- ‘777’ నియమంతో... బంధం బలోపేతం!
- పిల్లలకు ఎలాంటి పుస్తకం కొంటున్నారు..?
- వాళ్ల ప్రేమ నిజమా? నకిలీనా?
యూత్ కార్నర్
- Paris Olympics: అందుకే ఈసారి వీళ్లు ప్రత్యేకం!
- ఒలింపిక్స్ బరిలో... బిహార్ ఎమ్మెల్యే!
- పాపులారిటీ కోసం ప్రాణాలెందుకు రిస్క్లో పెడతారు?!
- తెలుగమ్మాయి... బ్రిటన్లో మెరిసింది!
- వాళ్లున్నప్పుడు మారిపోతాడు!
'స్వీట్' హోం
- ఏడిపిస్తోంటే... ప్రేమంటున్నారు!
- వర్షాలకు మొక్కలు పాడవకుండా..!
- మొక్కలకు కాఫీ పొడి వేస్తున్నారా?
- తగిలిస్తే... పిల్లి వచ్చే!
- నూరు వరహాలతో నిండుగా
వర్క్ & లైఫ్
- కత్రినా ‘స్లిమ్’ బాడీ.. ఆ సీక్రెట్స్ ఇవే!
- Flower Truck Business: అందమైన పూల బొకేలతో.. లక్షలు సంపాదిస్తూ..!
- బరువెక్కుతున్న తెలుగు రాష్ట్రాలు!
- ఈ అలవాట్లే మనల్ని ధనవంతుల్ని చేస్తాయట!
- కేర్ టేకర్లు... కోట్లలో కావలెను!