మేకప్తో మాయ చేస్తోంది!
కంగనా రనౌత్ నుంచి కాజోల్ వరకు, నయనతార నుంచి మనీ హీస్ట్ ఫేమ్ అల్వారో మోర్టే వరకు... తలచుకుంటే ఆమె ఎవరిలా అయినా మారిపోగలదు. అలాగని తనకి మాయలో, మంత్రాలో వచ్చనుకుంటున్నారేమో? అదేం కాదు. ప్రోస్థటిక్ మేకప్ టెక్నిక్లతో అచ్చంగా వారిలానే తన రూపుని మార్చేసుకుంటోంది. ఈ ప్రయోగాలే మేకప్ ఆర్టిస్ట్ దీక్షితా జిందాల్ని సోషల్ మీడియాలో సెలబ్రిటీని చేశాయి.
కంగనా రనౌత్ నుంచి కాజోల్ వరకు, నయనతార నుంచి మనీ హీస్ట్ ఫేమ్ అల్వారో మోర్టే వరకు... తలచుకుంటే ఆమె ఎవరిలా అయినా మారిపోగలదు. అలాగని తనకి మాయలో, మంత్రాలో వచ్చనుకుంటున్నారేమో? అదేం కాదు. ప్రోస్థటిక్ మేకప్ టెక్నిక్లతో అచ్చంగా వారిలానే తన రూపుని మార్చేసుకుంటోంది. ఈ ప్రయోగాలే మేకప్ ఆర్టిస్ట్ దీక్షితా జిందాల్ని సోషల్ మీడియాలో సెలబ్రిటీని చేశాయి. మిలియన్ల ఫాలోయర్లను తెచ్చిపెట్టాయి.
మేకప్ ఆర్టిస్ దీక్షితా జిందాల్ది దిల్లీ. ఇప్పుడు కెనడాలో అధునాతన ప్రోస్థటిక్ మేకప్ ఎఫెక్ట్స్ని నేర్చుకుంటోంది. నేర్చుకున్న కళకు తన అభిరుచిని జోడించి అద్భుత రూపాలుగా మార్చాలనుకుంది. అలా ఇప్పటివరకూ సుమారు 100 మంది భారతీయ ప్రముఖుల ముఖాలను మేకప్తో పునః సృష్టించింది. అదే ఆమెకు సామాజిక మాధ్యమాల్లో కోట్ల మంది ఫాలోయర్లను అందించింది. ‘నాకు అలంకరణ అంటే చిన్నప్పటి నుంచీ ఇష్టం. స్కూల్లో ఉన్నప్పుడే హెయిర్స్టైల్, మేకప్ వీడియోలు చూసేదాన్ని. వాటిని అనుసరించి కొన్ని ప్రయోగాలూ చేసేదాన్ని. అప్పట్లో ఫేమస్ అయిన టిక్టాక్లో వీడియోలు అప్లోడ్ చేసేదాన్ని. వాటికి అభినందనలతో పాటూ ఫాలోయర్ల సంఖ్యా పెరిగింది. దాంతో ఇన్స్ట్రాగామ్లోనూ ఖాతా తెరిచా. అది మొదలు అలంకరణతో మరిన్ని ప్రయోగాలు చేయడం మొదలుపెట్టా. ఇక్కడా ఆదరణ లభించడంతో బ్రాండ్ల నుంచి ప్రమోషన్ల ఆఫర్లు వరుసకట్టాయి. ఆ డబ్బులతోనే మొదటిసారి ఓ మంచి మేకప్ కిట్ కొనుక్కున్నా’ అంటోంది దీక్షిత.
ఆ మేకప్ చూసి...
అదే సమయంలో ట్రాన్స్ఫర్మేషన్ ఆర్టిస్ట్ ‘అలెక్సిస్ స్టోన్’ చేసిన కిమ్ కర్దాషియాన్ మేకప్ చూసి తనకీ ఇలా ప్రయత్నించాలి అనిపించింది. ‘మొదట ఆ మేకప్ చూసి ఆశ్చర్యపోయా. తర్వాత ఎలా చేయొచ్చో తెలుసుకోవడం మొదలుపెట్టా. ఏదైనా ప్రయత్నిస్తేనే కదా.. సాధ్యమో కాదో తెలిసేది. ఫేస్ పెయింటింగ్, ఇల్యూజన్ మేకప్ల సాయంతో ‘సాత్ నిభానా సాథియా’లోని కోకిలా బెన్ పాత్రలా మారిపోయా. ఆ వీడియో బాగా వైరల్ అయ్యింది. దాంతో నాలో ఉత్సాహం రెట్టింపయ్యింది. ఫాలోయర్లూ పెరిగారు. తాజాగా షారూఖ్ పఠాన్ లుక్తో చేసిన రీల్ వైరల్ అవుతోంది. కేవలం 20 రోజుల్లో 13.4 మిలియన్ల వీక్షణల్ని దాటేసింది.
మొదట కష్టమన్నారు...
‘ట్రాన్స్ఫర్మేషన్ మేకప్ చేయడం అంటే పెళ్లిళ్లలో వధువు ముఖానికి పూతలేయడమంత సులువేం కాదు అని ఎత్తిపొడిచారు కొందరు. రియలిస్టిక్ లుక్ తేవాలంటే...బోలెడు కష్టపడాలి నీ వల్ల అవుతుందా అని సందేహపడ్డారు ఇంకొందరు. ఎవరెన్ని అన్నా...ఏం చెప్పినా సరే, నా మనసు చెప్పిన దారిలోనే నడవాలని నిర్ణయించుకున్నా. నిజానికి ఒక్కొక్కరి ముఖాకృతి ఒక్కో విధంగా ఉంటుంది. అచ్చంగా ఆ వ్యక్తిలాగే కనిపించాలంటే ముందు వారి ముఖ కవళికలూ, ఆకృతి వంటివి అర్థం చేసుకోవాలి. తర్వాతే మేకప్. దీన్ని పూర్తి చేయాలంటే.... కనీసం ఐదు నుంచి పదిహేను గంటల సమయం పట్టొచ్చు. ఇందుకు చాలా ఓపిక అవసరం. అయితే, ఇవన్నీ ఇష్టంగా చేస్తాను కాబట్టి నాకు పెద్ద కష్టంగా అనిపించలేద’నే దీక్షితకి అలెక్సిస్ స్టోన్, లెటిసియా గోమ్స్ వంటి అంతర్జాతీయ మేకప్ ఆర్టిస్టులే స్ఫూర్తట. విరాట్ కోహ్లీ, కపిల్ దేవ్, రేఖ అనుపమ్ ఖేర్, మైఖేల్ జాక్సన్ వరకూ ఎంతో మంది ప్రముఖుల రూపాలను దీక్షిత పునః సృష్టించింది. ‘మొదట అందరూ... నేనేదో సాఫ్ట్వేర్నో, ఫిల్టర్నో వాడుతున్నా అనుకునేవారు. తర్వాత విషయం తెలిసి ఆశ్చర్యపోయారు. నా ప్రతిభకు గుర్తింపు దక్కడం సంతోషంగా ఉంది. నిజానికి ప్రోస్థటిక్స్, స్పెషల్ ఎఫెక్ట్స్, మేకప్లకు భారత్లో మంచి భవిష్యత్తు ఉంది. ముఖ్యంగా సినిమా సీన్లకోసం గాయాలు, కట్లు, దుమ్ముతో కూడిన మేకప్ చేయడం వంటివన్నీ ఈ నైపుణ్యాలతోనే చేయాల్సి ఉంటుంది. ఇక్కడ అవకాశాల్ని అందుకోవడం తోపాటూ షారూఖ్తో కలసి నటించాలన్నది నా కోరిక’ అని చెబుతోంది దీక్షిత.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- పాదాలు పదిలంగా
- స్లిట్... మరింత స్టైల్గా!
- చల్లటి పాలతో..!
- Makeup: ఈ పొరపాట్లు వద్దు!
- మ్యాచింగ్ పోట్లీ మస్తుంది!
ఆరోగ్యమస్తు
- కోపాన్ని తగ్గించే శశాంకాసనం!
- పోషకాల ‘పుట్ట’... ఆరోగ్యానికి ‘గొడుగు’
- అలసట లేకుండా పని చేయాలంటే..!
- ఎత్తును బట్టే..!
- Nayanthara : నచ్చిందే తింటా.. నోరు కట్టేసుకోను!
అనుబంధం
- మీరైతే ఏం చేస్తారు?
- కొలీగ్తో రెండో పెళ్లి.. పేరెంట్స్ వద్దంటున్నారు!
- ‘777’ నియమంతో... బంధం బలోపేతం!
- పిల్లలకు ఎలాంటి పుస్తకం కొంటున్నారు..?
- వాళ్ల ప్రేమ నిజమా? నకిలీనా?
యూత్ కార్నర్
- ఒలింపిక్స్ బరిలో... బిహార్ ఎమ్మెల్యే!
- Paris Olympics: అందుకే ఈసారి వీళ్లు ప్రత్యేకం!
- పాపులారిటీ కోసం ప్రాణాలెందుకు రిస్క్లో పెడతారు?!
- తెలుగమ్మాయి... బ్రిటన్లో మెరిసింది!
- వాళ్లున్నప్పుడు మారిపోతాడు!
'స్వీట్' హోం
- వర్షాలకు మొక్కలు పాడవకుండా..!
- మొక్కలకు కాఫీ పొడి వేస్తున్నారా?
- తగిలిస్తే... పిల్లి వచ్చే!
- నూరు వరహాలతో నిండుగా
- వ్యాపారమా... ఉద్యోగమా?
వర్క్ & లైఫ్
- కత్రినా ‘స్లిమ్’ బాడీ.. ఆ సీక్రెట్స్ ఇవే!
- Flower Truck Business: అందమైన పూల బొకేలతో.. లక్షలు సంపాదిస్తూ..!
- బరువెక్కుతున్న తెలుగు రాష్ట్రాలు!
- ఈ అలవాట్లే మనల్ని ధనవంతుల్ని చేస్తాయట!
- కేర్ టేకర్లు... కోట్లలో కావలెను!