నాలుగేళ్లు నిద్రే లేదు!

అందరిలాగే నాకూ సినిమాలన్నా, తారలన్నా పిచ్చి. మా కుటుంబంలో అందరూ ఇంజినీర్లే. మా పెద్ద కాలక్షేపం.. సినిమాలు, సినిమా తారల కబుర్లే. ఇంజినీరింగ్‌ అయ్యాక ఎంఎస్‌ చేయడానికి అమెరికా వెళ్లా. అక్కడే సాఫ్ట్‌వేర్‌ ఉద్యోగిగా స్థిరపడ్డా.

Published : 22 Dec 2022 00:31 IST

అనుభవపాఠం

అందరిలాగే నాకూ సినిమాలన్నా, తారలన్నా పిచ్చి. మా కుటుంబంలో అందరూ ఇంజినీర్లే. మా పెద్ద కాలక్షేపం.. సినిమాలు, సినిమా తారల కబుర్లే. ఇంజినీరింగ్‌ అయ్యాక ఎంఎస్‌ చేయడానికి అమెరికా వెళ్లా. అక్కడే సాఫ్ట్‌వేర్‌ ఉద్యోగిగా స్థిరపడ్డా. ఇప్పుడంటే సినిమా తాజా కబుర్లన్నీ గూగుల్‌లో దొరికేస్తున్నాయి. ఒకప్పుడలా కాదు. ఇతర దేశాల్లోని వారికి ఆ సమాచారం దొరకడం కష్టమే! అపుడు నేనే అందరికీ అందుబాటులో ఉండేలా ఓ వెబ్‌సైట్‌ ప్రారంభిస్తే అన్న ఆలోచన వచ్చింది. మా వాళ్లందరూ భయపడ్డారు. నిరాశ పరచలేదు కానీ.. ‘రాణిస్తావో లేదో తెలియని దానికోసం రిస్క్‌ చేస్తున్నావేమో.. ఆలోచించుకో’ అన్నారు. సొంతంగా వెబ్‌సైట్‌ డిజైన్‌ చేసి 2007లో ‘పింక్‌విల్లా’ ప్రారంభించా. దీనిలో తారల సమాచారమేదైనా ఎవరైనా పంచుకోవచ్చు. ఏడాదిలోనే రోజుకు 35 వరకూ ఆర్టికల్స్‌ వచ్చే స్థాయికి చేరాం. వీక్షణలు లక్షల్లోనే! 2009లో ఒక హీరోయిన్‌ తాజా అప్‌డేట్‌ పోస్టు చేసినప్పుడు పత్రికలే వెబ్‌సైట్‌ పేరుతో సహా ప్రచురిస్తామనడంతో అంగీకరించా. ఆ తర్వాతి నుంచి వెనక్కి చూసుకోవాల్సిన అవసరం రాలేదు. ఇక్కడి వరకూ చేరుకోవడానికి నిద్రలేని రాత్రులెన్ని గడిపానో! పగలు ఉద్యోగం, రాత్రి వెబ్‌సైట్‌ పనులు చూసుకుంటూ నాలుగేళ్లు సరిగా నిద్రే పోలేదు. రోజుకు మిలియన్లలో వీక్షణలు వస్తోంటే.. ఇచ్చే సమాచారంపై దృష్టి పెట్టాలనిపించి, ఒక బృందాన్ని ఏర్పాటు చేసుకున్నా. తారలనే నేరుగా ఇంటర్వ్యూలూ చేశా. ఉద్యోగమూ మానేశా.. ఈసారి ఎవరూ కాదనలేదు. వాళ్లకా భరోసా కల్పించడమే కారణం. ఏదైనా ప్రయత్నించే ముందు రిస్క్‌ సహజం. దాన్ని దాటేవరకూ ఓపిక పడితే చాలు.. మీ వెన్నంటే నిలిచే వారెందరో.

- నందినీ షెనాయ్‌, సీఈఓ, పింక్‌విల్లా

Trending

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

బ్యూటీ & ఫ్యాషన్

ఆరోగ్యమస్తు

అనుబంధం

యూత్ కార్నర్

'స్వీట్' హోం

వర్క్ & లైఫ్

సూపర్ విమెన్