Breaking | Feedback | ePratibha | E-PAPER | Pratibha

యువరాణినేం కాదు!

‘నైకా’ విజయంతో నాది యువరాణి హోదా అనుకుంటారు చాలామంది. కానీ.. అమ్మ వ్యాపారం చేయాలన్న ఆలోచన చెప్పినప్పటి నుంచి ఏ రంగమైతే బాగుంటుంది, మార్కెటింగ్‌, పెట్టుబడి వంటి అన్ని అంశాల్లో నా పాత్రా, కష్టం ఉంది. తిరస్కరణలూ బోలెడు. అవన్నీ కొలిక్కి వచ్చాకే చదువు పూర్తిచేయడానికి వెళ్లా.

Published : 21 Jan 2023 00:02 IST

‘నైకా’ విజయంతో నాది యువరాణి హోదా అనుకుంటారు చాలామంది. కానీ.. అమ్మ వ్యాపారం చేయాలన్న ఆలోచన చెప్పినప్పటి నుంచి ఏ రంగమైతే బాగుంటుంది, మార్కెటింగ్‌, పెట్టుబడి వంటి అన్ని అంశాల్లో నా పాత్రా, కష్టం ఉంది. తిరస్కరణలూ బోలెడు. అవన్నీ కొలిక్కి వచ్చాకే చదువు పూర్తిచేయడానికి వెళ్లా. నా శక్తిసామర్థ్యాలు తెలుసుకోవాలని ఏడాది ఉద్యోగమూ చేశా. కానీ అది నాకంత ఛాలెంజింగ్‌గా అనిపించక తిరిగి అమ్మతో పనిచేయడం మొదలుపెట్టా. ఉదయాన్నే లేచాక చేయబోయే పని ఉత్సాహాన్నివ్వాలి. నా సామర్థ్యానికి పదును పెట్టేలా ఉండాలి. ‘పనీ’ జీవితంలో భాగంగా ఉండాలి. అదే నేను కోరుకున్నది. నైకా నాకవన్నీ ఇచ్చింది. అందుకే ఉత్సాహంగా చేస్తున్నా. మీకూ అలాంటి పని వాతావరణం కావాలా? అయితే..

* కష్టపడే తత్వం, సాధించాలన్న తపన అలవాటు చేసుకోండి. విజయ రహస్యమిదే. ఇవి ఎంత కష్టమైన ప్రాజెక్టులనైనా ధైర్యంగా తీసుకునేలా చేస్తుంది. పూర్తిచేయాలన్న కసి ఆత్మవిశ్వాసాన్ని పెంచుతుంది.

* శారీరకంగా, మానసికంగా దృఢంగా అవ్వండి. ఆరోగ్యంపై దృష్టిపెడుతూనే ఎలాంటి స్థితిలోనైనా కుంగిపోకుండా ఉండాలి. నాయకురాలే బెదిరితే ఆమెను అనుసరించే వారు నిలబడలేరు. మనసు సున్నితంగా ఉండొచ్చు. ఆలోచనలు, నిర్ణయాల విషయంలో మాత్రం కఠినంగా ఉండాలి. వందల సంస్థలను పరిశీలించి నేను నేర్చుకుని, అనుసరిస్తున్న సూత్రమిది.

* చివరగా.. మన అమ్మాయిలం ఎక్కువగా ఎదుటివాళ్లని ‘మెప్పించడం’పైనే శక్తిని ధారపోస్తుంటాం. వాళ్లు కోరుకున్న విధంగా మనల్ని మనం మలచుకునే ప్రయత్నంలో అలసిపోతుంటాం. అలా వద్దు. మీలా మీరుండండి. విమర్శలొచ్చినా ఆత్మవిశ్వాసం కోల్పోకుండా ఉంటారు.

- అద్వైత నాయర్‌, సీఈఓ, నైకా ఫ్యాషన్‌

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.