బైక్పై భూగోళాన్ని చుట్టేస్తూ..
ప్రపంచమంతా ఒకే కుటుంబం... మనుషులంతా మంచి వాళ్లే అని నిరూపించాలనుకుందామె. అంతేకాదు... దేశ దేశాల పురాణాలు, సంప్రదాయాలను అర్థం చేసుకోవడం కోసం బైక్పై ఒంటరిగా భూగోళాన్ని చుట్టేస్తోంది ఎలీనా ఆక్సింటే. లక్షల కిలోమీటర్లు ప్రయాణించి ఇండియాకు చేరుకున్న ఈమె యాత్ర అనుభవాల కథనమిది.
ప్రపంచమంతా ఒకే కుటుంబం... మనుషులంతా మంచి వాళ్లే అని నిరూపించాలనుకుందామె. అంతేకాదు... దేశ దేశాల పురాణాలు, సంప్రదాయాలను అర్థం చేసుకోవడం కోసం బైక్పై ఒంటరిగా భూగోళాన్ని చుట్టేస్తోంది ఎలీనా ఆక్సింటే. లక్షల కిలోమీటర్లు ప్రయాణించి ఇండియాకు చేరుకున్న ఈమె యాత్ర అనుభవాల కథనమిది.
నటి, నాటక నైపుణ్యాల శిక్షకురాలు ఎలీనా. ప్రపంచ దేశాల్లో పురాణాలు, ఆయా సంప్రదాయాలన్నీ అనుసంధానమై ఉంటాయని తన నమ్మకం. దీనిపై అవగాహన కోసం వివిధ దేశాల సంప్రదాయాలను తెలుసుకోవాలనుకుందామె. అందుకోసం దేశాలన్నీ చుట్టాలనే ఆలోచనతో ఆగస్టు, 2019లో బైక్పై ఒంటరి ప్రయాణాన్ని మొదలు పెట్టింది. ఇటలీకి చెందిన ఎలీనా ఈ మూడున్నరేళ్లలో 1.2 లక్షల కిలోమీటర్లు ప్రయాణించి కేరళకు చేరుకుంది. ఇప్పటికి 28 దేశాల్లో పర్యటించిన తను గతంలోనూ యాత్రలు చేసింది. ‘ఇంతకు ముందు బైక్పై ఒంటరిగానే ఆఫ్రికా దేశాల్లో తిరిగొచ్చా. నా నెట్వర్క్, సోషల్ మీడియా ద్వారా బైకర్స్ బృందం అందించే సమాచారంతో ఎక్కడికక్కడ స్థానికుల ఆతిథ్యాన్ని పొందే దాన్ని. హోటల్లో గది తీసుకోవల్సిన అవసరం రాలేదు. అక్కడి ప్రజల ఆదరణా మరవలేను. ఆ అనుభవాలను పంచుకొంటున్నప్పుడు వేరే దేశాల్లో ఇలాంటి మర్యాద దక్కడం అసంభవమని అనే వారు చాలా మంది. ఇది నన్ను ఆలోచనలో పడేసింది. ఈ అంశాన్ని ఛాలెంజ్గా తీసుకొని, ప్రపంచమంతా ఒంటరిగా చుట్టాలనుకున్నా. ఎక్కడికెళ్లినా స్థానికుల ఆతిథ్యాన్ని మాత్రమే పొందాలని నియమంగా పెట్టుకున్నా’ అని వివరిస్తుందీమె.
పాండమిక్లో..
యూరప్ నుంచి ప్రయాణాన్ని మొదలు పెట్టిన ఎలీనా టర్కీ, లెబనాన్, తదితర దేశాల మీదుగా పశ్చిమ ఆసియాకు చేరుకుంది. కొవిడ్ సమయానికి సౌదీ అరేబియాలో ఉంది. ‘ఒక కుటుంబం నాకు నాలుగు నెలలు ఆశ్రయమిచ్చింది. అక్కడ నాకు కరోనా సోకింది. అప్పుడూ వాళ్లు నన్ను హోటల్కి వెళ్లమన లేదు. నన్ను కుటుంబ సభ్యురాలిలా, కంటికి రెప్పలా సంరక్షించారు. కొవిడ్ నేపథ్యంలో దేశాల సరిహద్దులు దాటడానికి చాలా ఆంక్షలెదురయ్యాయి. వీటన్నింటినీ అధిగమిస్తూ... అరబ్ దేశాల్లో పర్యటించినప్పుడు అక్కడి సంప్రదాయాలన్నీ తెలుసుకొన్నా. మహిళలకు నిబంధనలెక్కువగా ఉంటాయని అందరూ చెప్పే వారు. అయితే నాకే సమస్యలూ ఎదురవలేదు. ఇరాక్, ఇరాన్, పాకిస్థాన్ దేశాలు చుట్టాక వాఘా సరిహద్దుల గుండా ఇండియాలోకి ప్రవేశించా. ఇక్కడ వివిధ రాష్ట్రాల్లో 6 వేల కిలో మీటర్లు ప్రయాణించి ప్రస్తుతం కేరళ చేరుకొన్నా. నేను ప్రయాణించే ప్రతి ప్రాంతంలోనూ స్థానిక సంస్కృతీ సంప్రదాయాలు, పురాణ కథలను తెలుసుకుంటున్నా. వీటన్నింటికీ ఎక్కడో ఒకచోట సంబంధం ఉన్నట్లుగా అనిపిస్తోంది. ప్రపంచమంతా ఒకే కుటుంబమనే భావన కలుగుతోంది. దాన్నే వెళ్లిన ప్రతి చోటా చాటుతున్నా’ అంటోన్న ఎలీనా హిమాలయాలు, నేపాల్, తర్వాత బంగ్లాదేశ్కు వెళ్లాలనుకుంటోంది. ఆగ్నేయ ఆసియా, ఆస్ట్రేలియా, అమెరికా దేశాల్లోనూ పర్యటించనున్న 37 ఏళ్ల ఎలీనా ఆశయం, ఆమె అందిస్తోన్న సందేశం స్ఫూర్తిదాయకం కదూ..
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- పాదాలు పదిలంగా
- స్లిట్... మరింత స్టైల్గా!
- చల్లటి పాలతో..!
- Makeup: ఈ పొరపాట్లు వద్దు!
- మ్యాచింగ్ పోట్లీ మస్తుంది!
ఆరోగ్యమస్తు
- కోపాన్ని తగ్గించే శశాంకాసనం!
- పోషకాల ‘పుట్ట’... ఆరోగ్యానికి ‘గొడుగు’
- అలసట లేకుండా పని చేయాలంటే..!
- ఎత్తును బట్టే..!
- Nayanthara : నచ్చిందే తింటా.. నోరు కట్టేసుకోను!
అనుబంధం
- మీరైతే ఏం చేస్తారు?
- కొలీగ్తో రెండో పెళ్లి.. పేరెంట్స్ వద్దంటున్నారు!
- ‘777’ నియమంతో... బంధం బలోపేతం!
- పిల్లలకు ఎలాంటి పుస్తకం కొంటున్నారు..?
- వాళ్ల ప్రేమ నిజమా? నకిలీనా?
యూత్ కార్నర్
- ఒలింపిక్స్ బరిలో... బిహార్ ఎమ్మెల్యే!
- Paris Olympics: అందుకే ఈసారి వీళ్లు ప్రత్యేకం!
- పాపులారిటీ కోసం ప్రాణాలెందుకు రిస్క్లో పెడతారు?!
- తెలుగమ్మాయి... బ్రిటన్లో మెరిసింది!
- వాళ్లున్నప్పుడు మారిపోతాడు!
'స్వీట్' హోం
- వర్షాలకు మొక్కలు పాడవకుండా..!
- మొక్కలకు కాఫీ పొడి వేస్తున్నారా?
- తగిలిస్తే... పిల్లి వచ్చే!
- నూరు వరహాలతో నిండుగా
- వ్యాపారమా... ఉద్యోగమా?
వర్క్ & లైఫ్
- కత్రినా ‘స్లిమ్’ బాడీ.. ఆ సీక్రెట్స్ ఇవే!
- Flower Truck Business: అందమైన పూల బొకేలతో.. లక్షలు సంపాదిస్తూ..!
- బరువెక్కుతున్న తెలుగు రాష్ట్రాలు!
- ఈ అలవాట్లే మనల్ని ధనవంతుల్ని చేస్తాయట!
- కేర్ టేకర్లు... కోట్లలో కావలెను!