బ్రా వేసుకోకపోతే వక్షోజాలు సాగుతాయా?
వక్షోజాల్ని తీరైన ఆకృతిలో కనిపించేలా చేయడంలో బ్రా పాత్ర కీలకం! అయితే వీటిని ధరించే విషయంలో కొంతమందిలో కొన్ని రకాల సందేహాలుంటాయి. బ్రా వేసుకోకపోతే వక్షోజాలు సాగుతాయని, వేసుకుంటే వీటి పెరుగుదల ఆగిపోతుందని, కొన్ని రకాల బ్రాలు రొమ్ము.....
వక్షోజాల్ని తీరైన ఆకృతిలో కనిపించేలా చేయడంలో బ్రా పాత్ర కీలకం! అయితే వీటిని ధరించే విషయంలో కొంతమందిలో కొన్ని రకాల సందేహాలుంటాయి. బ్రా వేసుకోకపోతే వక్షోజాలు సాగుతాయని, వేసుకుంటే వీటి పెరుగుదల ఆగిపోతుందని, కొన్ని రకాల బ్రాలు రొమ్ము క్యాన్సర్కు కారణమవుతాయని.. ఇలా ఒక్కొక్కరి మనసులో ఒక్కో రకమైన ప్రశ్న తలెత్తుతుంటుంది. మరి, వీటిలో నిజమెంత? తెలుసుకోవాలంటే.. ఇది చదివేయండి!
నలుపు రంగు బ్రా వల్ల క్యాన్సరొస్తుంది!
కొంతమంది నలుపు రంగును ఇష్టపడరు. ఎందుకంటే ఈ రంగు సూర్మరశ్మిని ఎక్కువగా ఆకర్షించి ఆరోగ్య, చర్మ సమస్యల్ని తెచ్చిపెడుతుందేమోనని భయపడుతుంటారు. బ్రా విషయంలోనూ వారిలో ఇలాంటి సందేహమే ఉంటుంది. నలుపుతో పాటు ముదురు రంగు బ్రాలు ధరించడం వల్ల వేడి ఎక్కువగా శోషించుకొని.. తద్వారా రొమ్ము క్యాన్సర్ బారిన పడతామేమోనని భయపడుతుంటారు. కానీ ఇందులో ఏమాత్రం నిజం లేదని చెబుతున్నారు నిపుణులు. బ్రా రంగుకు, రొమ్ము క్యాన్సర్కు సంబంధం ఉందన్న విషయం ఎక్కడా నిరూపితం కాలేదంటున్నారు పరిశోధకులు. ఇవే కాదు.. బిగుతుగా ఉండేవి, అండర్వైర్ బ్రాలు, ఇవి ధరించి నిద్ర పోవడం వల్ల కూడా రొమ్ము క్యాన్సర్ వస్తుందనేది అపోహే అంటున్నారు. కాబట్టి నిజానిజాలు తెలుసుకోకుండా అనవసరంగా ఆందోళన చెందడం మాని.. సౌకర్యవంతమైన బ్రాలు ధరించడం అన్ని విధాలా మంచిదంటున్నారు నిపుణులు.
బ్రా వేసుకోకపోతే వక్షోజాలు సాగుతాయి!
రొమ్ము కణజాలం సహజసిద్ధంగానే సాగే గుణం కలిగి ఉంటుంది. అందుకే గర్భం ధరించినప్పుడు, పాలిచ్చే సమయంలో ఈ కణజాలం సాగి వక్షోజాలు పెద్దవిగా కనిపిస్తాయి. అదే మిగతా సమయాల్లో సాధారణ స్థితికి చేరుకుంటాయి. అయితే ఈ విషయంలో సరైన అవగాహన లేని వారు బ్రా వేసుకోకపోతే వక్షోజాలు సాగుతాయని, మరింత పెద్దవిగా కనిపిస్తాయని అనుకుంటారు. కానీ ఇది నిజం కాదని చెబుతున్నారు నిపుణులు. బ్రా ధరించడానికి, రొమ్ముల పరిమాణం పెరగడానికి సంబంధం లేదని, ఈ లోదుస్తులు ధరించడం-ధరించకపోవడం అనేది వ్యక్తిగత ఇష్టాయిష్టాలపై ఆధారపడి ఉంటుందని అంటున్నారు. ఇక బరువు పెరిగినప్పుడు, తగ్గినప్పుడు వీటి పరిమాణాల్లో హెచ్చుతగ్గులు వచ్చే అవకాశాలూ లేకపోలేదంటున్నారు.
బ్రాకు, నడుం నొప్పికి సంబంధం ఉంది!
వక్షోజాల ఆకృతికే కాదు.. బ్రా ధరించడం వల్ల శరీర భంగిమ మెరుగుపడి నడుం నొప్పి రాకుండా జాగ్రత్తపడచ్చనుకుంటారు చాలామంది. అయితే ఇది కూడా అపోహే అంటున్నారు నిపుణులు. బ్రా వేసుకోవడం వల్ల శరీర భంగిమలో ఎలాంటి మార్పులు రావని, నడుం నొప్పి రాదన్నది కూడా పూర్తిగా అవాస్తవమేనని ఓ పరిశోధనలో భాగంగా నిపుణులు తేల్చారు. అంతేకాదు.. సరైన సైజు బ్రా సౌకర్యాన్నిస్తుందే తప్ప దీన్ని ధరించడం వల్ల నడుం నొప్పి రాకుండా అడ్డుకోవచ్చన్న ఆధారాలేవీ లేవంటున్నారు. ఒకవేళ బ్రా కారణంగా నడుం నొప్పి వస్తే మీరు మీ వక్షోజాల ఆకృతికి సరిపడే సైజు బ్రా ధరించలేదని అర్థమంటున్నారు. కాబట్టి ఇది పూర్తిగా వక్షోజాల ఆకృతి, సౌందర్యాన్ని ఇనుమడింపజేసేందుకే ఉపయోగపడుతుందని చెబుతున్నారు.
అన్ని వేళలా బ్రా ధరించాలి!
రోజంతా నిరంతరాయంగా బ్రా ధరించడం వల్ల వక్షోజాల్ని తీరైన ఆకృతిలో కనిపించేలా చేయచ్చనుకుంటారు చాలామంది. అయితే దీనివల్ల వక్షోజాల ఆకృతేమో గానీ అనారోగ్య సమస్యలు తప్పవంటున్నారు నిపుణులు. అసౌకర్యంగానూ అనిపిస్తుందంటున్నారు. ముఖ్యంగా రోజంతా బ్రా ధరించడం వల్ల వక్షోజాలకు గాలి తగలదు. తద్వారా అక్కడ చెమట ఎక్కువగా వస్తుంది. తద్వారా చర్మ రంధ్రాలు మూసుకుపోయి.. ఆ భాగంలో అలర్జీ, దురద, మృతకణాలు ఏర్పడడం.. వంటి సమస్యలొస్తాయి. కాబట్టి అన్ని వేళలా బ్రా ధరించకపోవడమే మంచిదంటున్నారు నిపుణులు. అలాగే రాత్రి పడుకునేటప్పుడు కూడా బ్రా లేకుండా నిద్ర పోవడమే వక్షోజాల ఆరోగ్యానికి మేలని చెబుతున్నారు.
వీటితో పాటు వక్షోజాల ఆకృతి, సైజును బట్టి సరైన సైజు బ్రా ఎంచుకోవడం తప్పనిసరి అని గుర్తుంచుకోండి. అప్పుడే బ్రా వేసుకుంటే సౌకర్యంగా ఉండడంతో పాటు ఇతర ఇబ్బందులు ఎదురవకుండా జాగ్రత్తపడచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- వేసవిలో ట్యాన్ సమస్య తగ్గాలంటే..!
- ఇలా చేస్తే.. అందం తగ్గదు..!
- నాకు ఏ క్రీమ్?
- స్ట్రెచ్ మార్క్స్.. తగ్గట్లేదా..?
- గోటితోనే పోదు మరి!
ఆరోగ్యమస్తు
- అందుకే వీటిని ఇలా తీసుకోవాలట..!
- ప్రెగ్నెన్సీ.. ఈ జాగ్రత్తలు పాటిస్తున్నారా?
- ఉత్తేజంగా మారాలంటే..!
- రక్తహీనత తగ్గించే బీట్రూట్!
- మీ స్కోరెంత?
అనుబంధం
- ఆ అమ్మాయితో ఆ చాటింగ్.. ఆయన్ని నమ్మలేకపోతున్నా..!
- అలా చదివితే మేలే...
- చిన్నవే... చక్కదిద్దుతాయి!
- యుక్త వయసు నుంచీ...!
- పాప వల్ల నాతో ఆ సంతోషం ఉండట్లేదంటున్నారు..!
యూత్ కార్నర్
- భూగోళాన్ని చుట్టేస్తానంటోంది!
- దాంతో మాట్లాడుతుంటే మతి పోయిందనేవాళ్లు!
- ఎరీ... ఆ ఊరి పట్టు..!
- అందరికీ నచ్చేవి.. నాకు నచ్చవు.. ఎందుకిలా?
- తెల్లజుట్టు... కారణమేంటి?
'స్వీట్' హోం
- పుల్లటి పెరుగుతో.. పెరిగే రుచి!
- కళ్లు తిరిగే కార్పెట్లు...
- ఆ చోటు గుర్తిస్తే చాలు...
- చిన్నారుల చిత్రకళా ప్రదర్శన..!
- అద్దమూ మెరవాలిగా..!
వర్క్ & లైఫ్
- మీకు ‘ట్రావెలింగ్’ అంటే ఇష్టమా..?
- ఇవి టైంపాస్ కోసమే కాదు.. సంపాదనకూ..!
- మారాలని గట్టిగా అనుకోండి!
- Samantha: చిన్న చిట్కాలతోనే 45 కిలోల బరువు తగ్గా..!
- ఆఫీసులో ఇలా చేస్తున్నారా?