Breaking | Feedback | ePratibha | E-PAPER | Pratibha

ముందు.. అప్పు తీర్చమన్నారు!

Published : 28 Jan 2023 00:14 IST

ఎంత అందమైన లోకం! దాన్ని తిరిగి చూడకపోతే ఎలా? అందుకే ఎలాగైనా ప్రపంచాన్ని చుట్టేయాలని ఎప్పుడో నిర్ణయించుకున్నా. నా భర్తదీ అదే ఆలోచన. ఇద్దరం కలిసి ఎన్ని ప్రదేశాలను చూసొచ్చామో! అప్పుడే కొన్ని ప్రత్యేక ప్రాంతాలు, అడ్వెంచర్ల గురించిన సమాచారం అక్కడికి వెళితేగానీ తెలియట్లేదన్న విషయం అర్థమైంది. ఈ వివరాలన్నింటితో ఓ స్టార్టప్‌ ప్రారంభిస్తే బాగుంటుందని అనిపించింది. ఇన్ఫర్మేషన్‌ టెక్నాలజీలో డిగ్రీ చేసి.. మంచి ఉద్యోగంలో స్థిరపడ్డా. అయినా రాజీనామా చేసి, లోను పెట్టి ఎంబీఏ చేశా. పూర్తయ్యాక నా ఆలోచన విని ఇంట్లోవాళ్లు, స్నేహితులు పిచ్చిదానిలా చూశారు. ‘ముందు చదువుకైన లోను తీర్చు. తర్వాత పెట్టుబడి గురించి ఆలోచించొచ్చు’ అన్నవారూ లేకపోలేదు. నిజమే.. పెట్టుబడి లేదు.. బలమైన ఆలోచన ఉందిగా! దాన్ని మించి నా మీద నాకు 200% నమ్మకం ఉంది. అందుకే ఏడాదిపాటు ఎక్కువమంది ఇష్టపడుతున్న ప్రాంతాలు, అడ్వెంచర్లు, నిర్వాహకుల వివరాలను సేకరించి ఆన్‌లైన్‌లో ‘థ్రిల్లోఫిలియా’ ప్రారంభించా. పర్యటనలు, అడ్వెంచర్లు అన్నింటినీ మా వెబ్‌సైట్‌ ద్వారా ప్లాన్‌ చేసుకోవచ్చు. భిన్న దేశాల్లో నెట్‌వర్క్‌నీ ఏర్పాటు చేసుకున్నాం. ఇప్పుడు మా సంస్థ విలువ రూ.150 కోట్లకు పైమాటే! మా సేవల్ని వినియోగించుకున్నవారూ వేలల్లో ఉన్నారు. ఎన్నో పురస్కారాలూ అందుకున్నా. అందరూ అన్న ఆ ‘రిస్క్‌’ తీసుకోవడానికి నేను సిద్ధపడ్డా. మీకూ మీ ఆలోచనపై నమ్మకం ఉందా.. ప్రయత్నించేయండి. దానికోసం రిస్క్‌ తీసుకునే ధైర్యం చేయండి.. అప్పుడే విజయం సాధ్యం!

- చిత్రా గుర్నాని దాగా, సీఈఓ, థ్రిల్లోఫిలియా

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.