Katya Coelho: సింధు,సానియాల్లా నిలవాలనీ!
‘దీనిలో అమ్మాయిల్లేరు’ విండ్ సర్ఫింగ్ నేర్చుకోవాలనుకున్నప్పుడు కాత్యాకి అందరూ చెప్పిన మాట ఇది. అయితే ఏంటి? నేను ప్రారంభిస్తా అంటూ నిర్భయంగా అలలతో పోటీపడే ఈ ఆటలో అడుగు పెట్టిందామె.
‘దీనిలో అమ్మాయిల్లేరు’ విండ్ సర్ఫింగ్ నేర్చుకోవాలనుకున్నప్పుడు కాత్యాకి అందరూ చెప్పిన మాట ఇది. అయితే ఏంటి? నేను ప్రారంభిస్తా అంటూ నిర్భయంగా అలలతో పోటీపడే ఈ ఆటలో అడుగు పెట్టిందామె. దేశం నుంచి మొదటి మహిళా విండ్ సర్ఫర్గా పేరు తెచ్చుకోవడమే కాదు.. ఏషియన్ గేమ్స్కీ అర్హత సాధించింది.
‘నాన్నా.. ఎలా అనిపించింది? సముద్ర నీటిలో.. అలలతో పోటీపడుతూ దూసుకెళుతున్నప్పుడు నీకేమనిపిస్తుంది? అందరికంటే వేగంగా ఎలా దూసుకెళ్లావ్’ అంటూ తండ్రి డొనాల్డ్ కోల్హో ఎప్పుడు విండ్ సర్ఫింగ్ రేసులో పాల్గొన్నా కాత్యా కోల్హో ఆశ్చర్యంగా చూడటమే కాదు. తన సందేహాలన్నీ చకచకా బయటపెట్టేసేది. ఈమెది గోవా. నాన్న విండ్ సర్ఫర్. దేశం తరఫున అంతర్జాతీయ పోటీల్లోనూ పాల్గొన్నారు. జాతీయ స్థాయిలో ఎప్పుడు పోటీలు జరిగినా వీళ్లమ్మ కాత్యానీ తన తోబుట్టువులనీ వెంటపెట్టుకొని వెళ్లేది. అందరు పిల్లల్లాగే నీళ్లంటే ఇష్టపడే కాత్యా నెమ్మదిగా దానిపై దూసుకెళ్లే సర్ఫింగ్పై మనసు పారేసుకుంది.
‘నాతోపాటు అన్నయ్యకీ ఈ క్రీడపై ఆసక్తి కలగడంతో నాన్న తనకి నేర్పడం మొదలుపెట్టారు. నేనూ నేర్చుకుంటా అని పట్టు పట్టాకే.. నా ఆసక్తి చూడటం వరకూ కాదని అర్థమైందాయనకి. అప్పటి నుంచి నాకూ శిక్షణ ఇచ్చారు’ అని గుర్తుచేసుకుంటుంది 23 ఏళ్ల కాత్యా. నేర్చుకోవడం ప్రారంభించిన ఏడాదికే రాష్ట్ర, జాతీయ స్థాయి పోటీల్లో పాల్గొనడం ప్రారంభించింది. 14 ఏళ్లకే యూత్ ఒలింపిక్స్లో పాల్గొని ‘అతి పిన్న సెయిలర్’గా నిలిచింది. తన కెరియర్లో ఇప్పటివరకూ జాతీయ స్థాయిలో 10, రెండు ఏషియన్ ఓపెన్ ఛాంపియన్షిప్ల్లో బంగారు పతకాలు, గతేడాది ఒక వెండి పతకం గెలిచింది. అంతర్జాతీయ స్థాయిలో దేశం తరఫున పోటీ చేసిన తొలి మహిళా విండ్ సర్ఫర్గా నిలిచింది.
తాజాగా ఆర్మీ యాటింగ్ నోడ్ సంస్థ విండ్ సర్ఫింగ్ పోటీలు నిర్వహించింది. దీనిలో గెలిచిన వారికి ఏషియన్ గేమ్స్లో పాల్గొనే అవకాశం దక్కుతుంది. ఐక్యూ ఫాయిల్ కేటగిరీలో అర్హత సాధించడమే కాదు సీనియర్ నేషనల్స్లో బంగారు పతకాలు కొల్లగొట్టి ఏషియన్ గేమ్స్కు అర్హత సాధించింది. ‘నా కెరియర్లో ఇది మరచిపోలేని అనుభవం. ఏషియన్ గేమ్స్లో దేశానికి ప్రాతినిధ్యం వహిస్తున్నానన్న ఆలోచనే గర్వంగా ఉంది’ అనే కాత్యా మొదట విండ్ సర్ఫింగ్లో చేరినప్పుడు ఎంతోమంది నిరాశపరిచారు. దేశంలో ఈ క్రీడకి అంత గుర్తింపు లేదు. పైగా దీన్ని ఎంచుకుంటున్న అమ్మాయిలే లేరని వెనక్కి లాగే ప్రయత్నం చేశారు. వాళ్లకి ‘అందరూ వెళ్లే దారిలో వెళితే గొప్పేముంది? బ్యాడ్మింటన్కి సింధూ, టెన్నిస్కి సానియా.. ఇలా కొన్ని ఆటల పేర్లు చెప్పగానే క్రీడాకారుల పేర్లెలా గుర్తొస్తాయో.. విండ్ సర్ఫింగ్ అంటే నా పేరు గుర్తుకొచ్చేలా చేయాలను కున్నా’నంటుంది కాత్యా. ఏషియన్ గేమ్స్లో పతకంతో ఆ కల నెరవేర్చుకోవాలనుకుంటోంది. ఆల్ ద బెస్ట్ చెబుదామా మరి?
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- పాదాలు పదిలంగా
- స్లిట్... మరింత స్టైల్గా!
- చల్లటి పాలతో..!
- Makeup: ఈ పొరపాట్లు వద్దు!
- మ్యాచింగ్ పోట్లీ మస్తుంది!
ఆరోగ్యమస్తు
- అలసట లేకుండా పని చేయాలంటే..!
- కోపాన్ని తగ్గించే శశాంకాసనం!
- పోషకాల ‘పుట్ట’... ఆరోగ్యానికి ‘గొడుగు’
- ఎత్తును బట్టే..!
- Nayanthara : నచ్చిందే తింటా.. నోరు కట్టేసుకోను!
అనుబంధం
- నా ఉత్తరాలు చూసి.. కన్నీళ్లతో హత్తుకున్నారు.. తీరు మార్చుకున్నారు!
- కొలీగ్తో రెండో పెళ్లి.. పేరెంట్స్ వద్దంటున్నారు!
- ‘777’ నియమంతో... బంధం బలోపేతం!
- పిల్లలకు ఎలాంటి పుస్తకం కొంటున్నారు..?
- వాళ్ల ప్రేమ నిజమా? నకిలీనా?
యూత్ కార్నర్
- Paris Olympics: అందుకే ఈసారి వీళ్లు ప్రత్యేకం!
- ఒలింపిక్స్ బరిలో... బిహార్ ఎమ్మెల్యే!
- పాపులారిటీ కోసం ప్రాణాలెందుకు రిస్క్లో పెడతారు?!
- తెలుగమ్మాయి... బ్రిటన్లో మెరిసింది!
- వాళ్లున్నప్పుడు మారిపోతాడు!
'స్వీట్' హోం
- ఏడిపిస్తోంటే... ప్రేమంటున్నారు!
- వర్షాలకు మొక్కలు పాడవకుండా..!
- మొక్కలకు కాఫీ పొడి వేస్తున్నారా?
- తగిలిస్తే... పిల్లి వచ్చే!
- నూరు వరహాలతో నిండుగా
వర్క్ & లైఫ్
- కత్రినా ‘స్లిమ్’ బాడీ.. ఆ సీక్రెట్స్ ఇవే!
- Flower Truck Business: అందమైన పూల బొకేలతో.. లక్షలు సంపాదిస్తూ..!
- బరువెక్కుతున్న తెలుగు రాష్ట్రాలు!
- ఈ అలవాట్లే మనల్ని ధనవంతుల్ని చేస్తాయట!
- కేర్ టేకర్లు... కోట్లలో కావలెను!