Published : 21/11/2022 12:32 IST

నీ సంపాదన నాకు అక్కర్లేదు.. పెళ్లి చేసుకుందాం అంటున్నాడు..!

నేను బీటెక్‌ చదివి జాబ్‌ చేస్తున్నాను. నాకు ఇద్దరు చెల్లెళ్లు ఉన్నారు. చదువుకుంటున్నారు. అయితే ఇంటర్‌ నుండి నాతో పాటు చదివిన ఒక స్నేహితుడు ‘నిన్ను ప్రేమిస్తున్నాను.. పెళ్లి చేసుకుందాం..’ అంటున్నాడు. ‘నా కుటుంబానికి నా సంపాదన అవసరం. ఒక్క చెల్లి చదువు పూర్తయ్యి.. జాబ్‌లో చేరేవరకైనా ఆగాలి’ అని అతనికి చెబుతున్నాను. దానికి అతను ‘నీ సంపాదనలో ఒక్క రూపాయి తీసుకోను. నీ జీతం మీ అమ్మానాన్నలకే ఇచ్చేయ్‌’ అని అంటున్నాడు. ఇదే విషయాన్ని మా అమ్మకు చెప్పాను. దాంతో మా అమ్మ ‘ఇప్పుడు ఇలాగే అంటారు.. తర్వాత మారిపోతే అప్పుడు ఏం చేస్తావు’ అని అంటోంది. నేను ఏ నిర్ణయం తీసుకోలేకపోతున్నాను. దయచేసి సలహా ఇవ్వగలరు. - ఓ సోదరి

జ. మీరు వెంటనే పెళ్లికి ఓకే చెప్పాల్సిన అవసరం లేదు. అలాగని రిజెక్ట్ చేయాల్సిన అవసరం కూడా లేదు. అబ్బాయి మంచివాడైతే మీరు అనవసరంగా మిస్సైన వాళ్లవుతారు. ఒకవేళ అతనిని గుడ్డిగా నమ్మి పెళ్లి చేసుకుంటే మీ అమ్మగారు చెప్పిన విషయాలు నిజమయ్యే అవకాశం కూడా లేకపోలేదు.

పెళ్లి అనేది ఇద్దరి వ్యక్తుల మధ్య అనుబంధమే కాదు.. పెళ్లి తర్వాత ఒకరి కోసం ఒకరు చాలా అలవాట్లను, పద్ధతులను మార్చుకోవాల్సి ఉంటుంది. ఇది మీ కుటుంబానికి మీరు చేస్తోన్న సహాయం మీద ప్రభావం చూపే అవకాశం లేకపోలేదు. ఇకపోతే మీ కుటుంబానికి మీరు చేసేది కేవలం సహాయం మాత్రమే కాదు.. అది మీ బాధ్యత కూడా. కాబట్టి, ఈ సమయంలో మీ బాధ్యతను వదిలి పెళ్లి చేసుకోవడమనేది మీ చెల్లి చదువుకి ఆటంకం కలిగించవచ్చు. ఒకవేళ మీ చెల్లికి ఉద్యోగం వచ్చినా మరొక చెల్లి ఉంది కాబట్టి అప్పుడు కూడా ఇద్దరూ బాధ్యతలు తీసుకోవాల్సి రావచ్చు.

వాస్తవానికి 'పెళ్లైన తర్వాత ఆడపిల్లలు అమ్మానాన్నలను చూసుకోకూడదు.. పుట్టింటి గురించి పట్టించుకోకూడదు..'  అనే రూలైతే ఎక్కడా లేదు. కాబట్టి ఎక్కడైనా అవసరం అనుకుంటే ప్రతి ఒక్క ఆడపిల్ల వాళ్ల పేరెంట్స్‌ని సపోర్ట్ చేయాలి. అలా అని అత్తింటివారిని నెగ్లెక్ట్ చేయాలని కాదు. వాళ్లను చూసుకుంటూనే వీళ్లను కూడా చూసుకునే రైట్స్ ఉన్నాయి. ఈ క్రమంలో- ఆర్థికంగా భారం కాకుండా ఉండడం కోసం పెళ్లిని కొంతకాలం వాయిదా వేయడం మంచిదని అతనికి అర్ధమయ్యేలా చెప్పండి.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

ఆ ప్రమాదం.. వ్యాపారవేత్తను చేసింది

సినిమా, కాలక్షేపం, స్నేహితులతో ముచ్చట్లు.. సందర్భం ఏదైనా మనకు చిరుతిళ్లు ఉండాల్సిందే! వాటిని నిల్వ ఉంచడానికి వాడే రసాయనాలు, చక్కెరలు, రిఫైన్డ్‌ ఆయిల్స్‌.. అన్నీ అనారోగ్యకరమైనవే! చదువుతున్నప్పుడు కంటే స్వీయ అనుభవంతో ఈ విషయం మరింత అవగాహనకు వచ్చింది అపూర్వ గురురాజ్‌కు. దీంతో ఆరోగ్యకరమైన చిరుతిళ్లను ఉత్పత్తి చేస్తూ.. విదేశాలకూ ఎగుమతి చేసే స్థాయికి ఎదిగారు. ఆమెను వసుంధర పలకరించగా తన గురించి చెప్పుకొచ్చారిలా.. మాది బెంగళూరు. ఆరేళ్లన్నప్పుడు అమ్మను కోల్పోయా. సివిల్‌ ఇంజినీర్‌ అయిన నాన్న వ్యాపారవేత్త కూడా. నాకేమో ఫోరెన్సిక్‌ శాస్త్రవేత్త కావాలని.. నాన్నేమో ఇంజినీరింగ్‌ చేయాలని.. రెండూ కాక కెమిస్ట్రీ, జువాలజీ, న్యూట్రిషన్‌లున్న ట్రిపుల్‌ మేజర్‌ కోర్సును ఎంచుకున్నా. అది చదివేప్పుడే ఎంటీఆర్‌, పెప్సీ సంస్థల్లో ఇంటర్న్‌గా ఉత్పత్తుల్లో పోషకాల ప్రమాణాల గురించి తెలుసుకున్నా. భారతీయ ఆహారశైలిలో పోషకాలకే ప్రాధాన్యం. కానీ మనకు లభ్యమయ్యే ప్యాకేజ్డ్‌ ఆహారంలో 90శాతం పాశ్చాత్యుల జీవనశైలికి అనువైనవే. పైగా వీటి నిల్వకు వాడే రసాయనాలు ఆరోగ్యానికి చేటని ఫీల్డ్‌వర్క్‌లో గుర్తించా. ఆసక్తికర విషయమేమిటంటే మన ధాన్యాలను ఎగుమతి చేసుకొని మనకే ఇలా అమ్ముతుండటం! అపోలో ఆస్పత్రిలో ఆంకాలజీ న్యూట్రిషన్‌ విభాగంలో కొన్నాళ్లు పనిచేసినపుడు వీటిపై మరింత స్పష్టత వచ్చింది.

తరువాయి