Joe Biden: సైకిల్ పైనుంచి కిందపడిన బైడెన్‌

వాషింగ్టన్‌: అగ్రరాజ్యం అధ్యక్షుడు జో బైడెన్‌ (79) సైకిల్‌ తొక్కుతూ కిందపడ్డారు. అదృష్టవశాత్తూ ఆయనకు ఎలాంటి గాయాలు కాలేదు. డెలావేర్‌లోని అధ్యక్షుడి బీచ్ హోంకు సమీపంలో ఉన్న స్టేట్ పార్క్‌లో ప్రథమ మహిళ జిల్ బిడెన్‌తో పాటు మరికొందితో కలిసి బైడెన్‌ సైకిల్‌పై వెళ్లారు. ఈ క్రమంలో అక్కడికి చేరుకొన్న కొందరితో మాట్లాడేందుకు బైడెన్‌ తన సైకిల్‌ను ఆపారు. బ్యాలెన్స్‌ కోల్పోయి అధ్యక్షుడు కిందపడ్డారు. అక్కడే ఉన్న కొందరు ఆయన్ను వెంటనే పైకిలేపారు. కాగా ఈ ఘటనలో బైడెన్‌కు ఎలాంటి గాయం కాలేదు. ‘ఐయామ్‌ గుడ్‌’ అని అధ్యక్షుడు పేర్కొన్నారు. ఇందుకు సంబంధించిన ఓ వీడియో నెట్టింట వైరల్‌గా మారింది. ఈ ఘటనను వైట్‌హౌస్‌ సైతం ధ్రువీకరించింది. అధ్యక్షుడికి ఎలాంటి ప్రమాదం జరగలేదని పేర్కొంది.