పెరటి మొక్కలకు సహజ ఎరువులు ఇవే! - natural fertilizers for plants in telugu
close
Published : 20/09/2021 19:03 IST

పెరటి మొక్కలకు సహజ ఎరువులు ఇవే!

అందుబాటులోని స్థలం తక్కువే అయినా అందులో రకరకాల కూరగాయలు, రంగురంగుల పూలమొక్కలు పెంచడం ఇప్పుడు చాలామందికి అలవాటైపోయింది. అయితే అవి గుబురుగా పెరగాలనే ఉద్దేశంతో రసాయన ఎరువులు ఉపయోగిస్తూ ఉంటారు. కానీ వాటిని ఉపయోగించడం వల్ల నేల కలుషితమై దానిలోని సారం పూర్తిగా తగ్గిపోతుంది. వీటికి బదులుగా మనం చెత్త అని పడేసే కొన్ని పదార్థాలను ఉపయోగిస్తే అవి సహజమైన ఎరువులుగా పనిచేసి.. నేలను సారవంతం చేయడంతో పాటు.. మొక్కలు ఏపుగా పెరిగేలా చేస్తాయి. మరి, అలా మొక్కలకు సహజసిద్ధమైన ఎరువుగా ఉపయోగించదగిన పదార్థాలేంటో తెలుసుకుందామా?

అక్వేరియం నీరు..

అక్వేరియంలో చేపలు ఎక్కువ కాలం బతకడానికి కనీసం వారం పది రోజులకొకసారైనా నీటిని మారుస్తూ ఉంటారు. అలా మార్చేటప్పుడు అందులోని నీరు వాసన వస్తుంది కాబట్టి దూరంగా పారబోస్తూ ఉంటారు. అయితే ఈసారి ఆ నీటిని మొక్కలకు పోయండి. దానిలో ఉండే చేపల విసర్జకాలు మొక్కలకు మంచి ఎరువుగా పనిచేస్తాయి. అయితే అక్వేరియంలో ఉప్పునీటి చేపలను పెంచితే మాత్రం ఆ నీటిని మొక్కలకు వాడకూడదు.

గ్రీన్ టీ

గ్రీన్ టీ మిశ్రమం కూడా ఎరువుగా పనిచేసి మొక్కలు ఏపుగా పెరిగేలా చేస్తుంది. దీనికోసం వాడేసిన గ్రీన్ టీ పొడిని మొక్కల మొదళ్లలో వేస్తే చాలు. అవి బలంగా తయారవుతాయి. అలాగే ఏడున్నర లీటర్ల నీటిలో ఒక గ్రీన్ టీ బ్యాగ్ వేసి పూర్తిగా నాననివ్వాలి. ఆ తర్వాత టీబ్యాగుని కూడా బాగా పిండి ఆ నీటిని మొక్కలకు పోయాలి. ఇలా చేసినా మొక్కలకు సత్తువ లభిస్తుంది.

కాఫీ పొడి

టొమాటో, గులాబీ మొక్కలకు వాడేసిన కాఫీ పొడిని ఎరువుగా వేస్తే.. అవి ఏపుగా పెరగడంతో పాటు మంచి దిగుబడిని కూడా ఇస్తాయి. పది లీటర్ల నీటిలో రెండున్నర కప్పుల కాఫీ పొడిని కలిపి రెండు నుంచి మూడు రోజుల పాటు అలాగే వదిలేయాలి. ఆ తర్వాత ఈ మిశ్రమాన్ని కుండీల్లోని మట్టిలో పోస్తే సరిపోతుంది.

అరటితొక్క

అరటి పండు తిన్నాక తొక్క తీసుకెళ్లి డస్ట్‌బిన్‌లో పడేస్తాం. కానీ అలా పడేయడం కంటే వాటిని కుండీల్లో వేసి, దానిపైన కాస్త మట్టి వేసేయండి. అది మట్టిలో కలిసిపోయి మంచి ఎరువుగా మారుతుంది. ముఖ్యంగా వాటిని పూలమొక్కలకు వేసినట్త్లెతే పూలు పెద్దవిగా పూస్తాయి.

గుడ్డు పెంకులు

కోడిగుడ్డు పెంకులను శుభ్రంగా కడిగి పొడి చేసుకోవాలి. ఈ పొడిని టొమాటో, మిర్చి, పూలమొక్కలకు వేసుకోవచ్చు. గుడ్డు పెంకుల్లో అధికమొత్తంలో క్యాల్షియం ఉంటుంది. ఇది మొక్కలు ఏపుగా పెరగడానికి ఉపయోగపడుతుంది.

ఎప్సం సాల్ట్

ఒక టేబుల్‌స్పూన్ ఎప్సం సాల్ట్ తీసుకొని దాదాపుగా మూడున్నర లీటర్ల నీటిలో కలపాలి. ఈ మిశ్రమాన్ని స్ప్రే బాటిల్‌లో వేసి మొక్కల మొదళ్లకు తగిలేలా స్ప్రే చేసుకుంటే సరిపోతుంది. దీని వల్ల కూడా మొక్కలు బాగా పెరుగుతాయి.

ఉల్లి పొట్టు

ఉల్లి పొట్టు మట్టిలో త్వరగా కలసిపోయి ఎరువుగా మారుతుంది. అలాగే ఇది మొక్కలకు చీడపీడలు రాకుండా కాపాడుతుంది. ఈ ఫలితాన్ని పొందడానికి ఉల్లిపొట్టుని నేరుగా కుండీల్లో వేస్తే సరిపోతుంది. లేదా వీటితో ప్రత్యేక ద్రావణాన్ని కూడా తయారుచేయచ్చు. పది నుంచి ఇరవై గ్రాముల ఉల్లిపొట్టుని ఐదు లీటర్ల గోరువెచ్చని నీటిలో వేసి నాలుగు రోజుల పాటు అలాగే వదిలేయాలి. తర్వాత దాన్ని మొక్కలపై స్ప్రే చేస్తే పురుగుమందుగా పనిచేస్తుంది. మొదళ్ల భాగంలో వేస్తే ఎరువుగానూ ఉపయోగపడుతుంది.



మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని