Latest Telugu News, Headlines

అందం - ఆరోగ్యం

బరువు తగ్గించే సులువు మార్గాలు!

నాకు పదహారు సంవత్సరాలు. ఈ మధ్య కాస్త బరువు పెరిగా. కాలేజీకి వెళ్లాలి కాబట్టి నాకు ఉండే సమయం తక్కువ. బయటకు వెళ్లి వ్యాయామం చేయలేను. ఇంట్లోనే సొంతంగా, సులువుగా ఎలాంటి వర్కవుట్లు చేయొచ్చు? సలహా ఇవ్వగలరు.

- లాస్య, హైదరాబాద్‌

మీలా చదువుకునే అమ్మాయిలకు వ్యాయామం చేసే తీరిక ఉండదు. సన్నబడాలనే తాపత్రయంతో పొట్ట మాడ్చుకోవాల్సిన అవసరంలేదు. సులువుగా ఇంట్లోనే చేసే వ్యాయామాలు ఎన్నో ఉన్నాయి. వాటిని ప్రయత్నించొచ్చు.

కాఫ్‌ రైజెస్‌: కుర్చీ లేదా బల్ల ఆసరా చేసుకుని పాదాల్ని పైకెత్తేందుకు ప్రయత్నించాలి. ఇరవైసార్లు చొప్పున మూడు విడతల్లో చేయాల్సి ఉంటుంది. దీనివల్ల కాళ్లు దృఢంగా మారతాయి. తీరైన ఆకృతిలో ఉంటాయి.

క్రంచెస్‌: పొట్ట కండరాలు దృఢంగా మారి, అక్కడ కొవ్వు పేరుకోకుండా ఉండాలంటే... క్రంచెస్‌ని మించిన వ్యాయామం లేదు. వెల్లకిలా పడుకుని మోకాళ్లు మడవాలి. చేతుల్ని తలకింద పెట్టి పైకి లేచేందుకు ప్రయత్నించాలి. ఇలా మూడు విడతల్లో ఇరవైసార్లు చొప్పున చేయాలి. క్రమం తప్పకుండా చేస్తే పొట్ట వచ్చే అవకాశం ఉండదు.

స్క్వాట్స్‌: చేతుల్ని ముందుకు చాచి కుర్చీలో కూర్చున్నట్లుగా గాల్లో కూర్చుని లేవాలి. ఇలా వందవరకూ చేస్తే కెలొరీలు ఎక్కువమొత్తంలో ఖర్చవుతాయి. నడుము నుంచి కాళ్ల వరకూ వ్యాయామం అందుతుంది. శరీరం చక్కటి ఆకృతిలో కనిపిస్తుంది.

జంప్స్‌: చేతుల్ని తాడాట ఆడుతున్నట్లుగా చేస్తూ ఎగిరేందుకు ప్రయత్నించాలి. ఇది మంచి కార్డియో వ్యాయామం. కెలొరీలు కూడా ఎక్కువగా కరుగుతాయి. మొదట్లో కొద్దిసేపే చేసినా..క్రమంగా వాటిని పెంచుకుంటూ పోతే సరి.

Tags :

మరిన్ని

జిల్లా వార్తలు

వారెవ్వా! చదువు సుఖీభవ ఈ-నాడు మకరందం రయ్.. రయ్ సిరి విజేత ఈ తరం హాయ్! ఆహా హాయ్ బుజ్జీ స్థిరాస్తి రుచులు విహారి

అందం - ఆరోగ్యం

మరిన్ని

దేవ‌తార్చ‌న

రుచులు