తెలుగు రాష్ట్రాల్లో రోడ్‌ టెర్రర్‌!

తాజావార్తలు


తెలుగు రాష్ట్రాల్లో రోడ్‌ టెర్రర్‌!
తెలుగు రాష్ట్రాల్లో రహదారులు నెత్తురోడాయి. ఆంధ్రప్రదేశ్‌, తెలంగాణలోని వేర్వేరు ప్రాంతాల్లో జరిగిన రోడ్డు ప్రమాదాల్లో 10 మంది మృతిచెందగా, పలువురు గాయపడ్డారు. ప్రకాశం జిల్లా మేదరమెట్ల వద్ద జరిగిన ప్రమాదంలో ఐదుగురు, అదే జిల్లా పంగులూరు మండలం రేణంగివరం వద్ద జరిగిన ప్రమాదంలో ఓ మహిళ మృతి చెందారు. మెదక్‌జిల్లా పఠాన్‌చెరు మండలం రుద్రారంవద్ద జరిగిన రోడ్డు ప్రమాదంలో నలుగురు మృత్యువాత పడ్డారు.
ప్రకాశం జిల్లా మేదరమెట్ల దక్షిణ బైపాస్‌ రహదారిపై గురువారం తెల్లవారు జామున ఘోర రోడ్డు ప్రమాదం జరిగింది. ఈ ప్రమాదంలో నలుగురు చిన్నారులు సహా డ్రైవర్‌ మృతి చెందాడు. పోలీసుల కథనం ప్రకారం.. మేదరమెట్ల వద్ద ఆగి ఉన్న లారీని ఓ కారు ఢీకొట్టడంతో స్వల్ప ప్రమాదానికి గురైంది. కారును రోడ్డు పక్కన ఆపి మరమ్మతులు చేస్తుండగా డంపర్‌ లారీ వేగంగా వచ్చి కారును ఢీకొట్టింది. ఈ ప్రమాదంలో కారు డ్రైవర్‌ నాగరాజుతో పాటు శ్రీకృష్ణ(3), చిన్ని కృష్ణమనోహర్‌(5), చిన్ని కృష్ణ వాసవి(3), నిత్య(5) ప్రాణాలు కోల్పోయారు. వీరస్వామి, భార్య గంగమ్మ, కోడలు మాధవి, కుమార్తె లక్ష్మీప్రసన్నకు తీవ్ర గాయాలయ్యాయి. ఘటనాస్థలికి చేరుకున్న పోలీసులు.. లారీ కింద చిక్కుకున్న కారును బయటకుతీశారు. క్షతగాత్రులను ఒంగోలు రిమ్స్‌కు తరలించి చికిత్స అందిస్తున్నారు. పాత గుంటూరుకు చెందిన వీరస్వామి మనవరాలి తలనీలాలు సమర్పించేందుకు తిరుమల వెళ్లారు. తిరుమల నుంచి తిరగి వస్తుండగా మేదరమెట్ల వద్ద ఈ ప్రమాదం చోటు చేసుకుంది.

ఆగి ఉన్న టిప్పర్‌ను ఢీకొట్టిన కారు
ప్రకాశం జిల్లా పంగులూరు మండలం రేణంగివరం వద్ద జాతీయరహదారిపై ఆగి ఉన్న టిప్పర్‌ను ఓ కారు ఢీకొట్టింది. ఈ ప్రమాదంలో ఓ మహిళ మృతి చెందింది. 8 మందికి తీవ్రగాయాలయ్యాయి. క్షతగాత్రులను ఒంగోలు రిమ్స్‌కు తరలించారు. బాధితులంతా ఖమ్మం జిల్లా భద్రాచలం వాసులుగా పోలీసులు గుర్తించారు.

రెండు లారీలు ఢీకొని నలుగురి మృతి
మెదక్‌ జిల్లాలో ఈరోజు ఉదయం ఘోర రోడ్డు ప్రమాదం జరిగింది. రెండు లారీలు ద్విచక్ర వాహనాన్ని, ఆటోను ఢీకొన్న ఘటనలో నలుగురు మృతి చెందారు. పటాన్‌చెరు మండలం రుద్రారం శివారులోని నందికంది గ్రామానికి చెందిన ప్రభాకరరావు ద్విచక్ర వాహనంపై వెళ్తుండగా వెనుక నుంచి లారీ ఢీకొట్టడంతో అక్కడికక్కడే మృతి చెందాడు. ఈ ఘటనతో ట్రాఫిక్‌ స్తంభించింది. ట్రాఫిక్‌ నెమ్మెదిగా కదులుతుండగా పటాన్‌చెరు నుంచి సంగారెడ్డికి వెళ్తున్న ఆటోను వెనుక నుంచి మరో లారీ ఢీకొట్టింది. ఆటో డ్రైవర్‌ రామ్మోహన్‌తో పాటు ప్రయాణికులు బాలరాజు, రఫిక్‌ మృతి చెందారు.

 
FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు
Property Handling 300x50

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.