ధ్యాన్‌చంద్‌ సేవలు నిరుపమానం: మోదీ

తాజావార్తలు

ధ్యాన్‌చంద్‌ సేవలు నిరుపమానం: మోదీ
ఇంటర్నెట్‌డెస్క్‌: ధ్యాన్‌చంద్‌ సేవలను ప్రతి ఒక్కరూ మననం చేసుకోవాలని ప్రధాని నరేంద్రమోదీ అన్నారు. మన్‌కీబాత్‌ కార్యక్రమంలో ఆయన మాట్లాడుతూ.. ‘‘ధ్యాన్‌చంద్‌ క్రీడాస్ఫూర్తి, దేశభక్తి నిరుపమానం. ప్రోత్సహిస్తే ఎవరూ తీసిపోరని మన క్రీడాకారులు నిరూపించారని’’ మోదీ అన్నారు. దేశానికి ఒలింపిక్స్‌ పతకాలు తెచ్చిపెట్టిన వారు మొత్తం ఆడపిల్లలే కావడం గమనార్హమన్నారు. దేశంలో క్రీడలను ప్రోత్సహించడానికి సమయం ఆసన్నమైందన్నారు. 2020, 2024, 2028 ఒలింపిక్స్‌పై దీర్ఘకాలిక ప్రణాళిక సిద్ధం చేయాలన్నారు. భారత్‌లో క్రీడలపై ఎవరికి ఆసక్తి ఉన్నా యాప్‌ ద్వారా తనకు సమాచారం అందించాలని అన్నారు. క్రీడాసంఘాలు కూడా పూర్తి అంకితభావంతో పనిచేయాలి అన్నారు.

‘‘సెప్టెంబర్‌ 5న గురుపూజోత్సవం.. ఆసమయంలో నేను విద్యార్థులతో చాలా సమయం వెచ్చిస్తాను.. కానీ ఈసారి జి20 సదస్సుకు వెళ్లనున్నాను. గురుపూజోత్సవం సందర్భంగా గోపిచంద్‌కు శుభాకాంక్షలు చెబుతున్నాను.. రాష్ట్రపతి పదవి వచ్చాక కూడా ఒక గురువులాగా ఉండటం కేవలం సర్వేపల్లి రాధకృష్ణకు మాత్రమే చెల్లింది.. ఇప్పటికీ నా గురువు నుంచి ప్రతినెలా ఉత్తరాలు వస్తాయి.. 90ఏళ్ల వయసులో కూడా ఆయన ఒక రకంగా నాకు కరస్పాండెంట్‌ కోర్సు నిర్వహిస్తున్నారు’’ అని మోదీ తెలిపారు.

‘‘గణేష్‌ ఉత్సవాలంటే లోకమాన్య తిలక్‌ గుర్తుకు వస్తారు. ఈ నప పండుగను సమాజం మొత్తం కలిసి నిర్వహించుకునే పండుగగా తీర్చిదిద్దిన ఘనత ఆయనకే దక్కుతుంది. ఇప్పుడు గణేష్‌ ఉత్సవాలు వస్తున్నాయంటే యువత ఉత్సాహంగా సిద్ధమైపోతుంది. ఇటీవల గణేష్‌ ఉత్సవాల్లో ప్లాస్టర్‌ఆఫ్‌పారిస్‌ ఉపయోగాన్ని నిలిపివేసి.. మట్టి ప్రతిమలను వాడుకోవాలని కోరుతున్నాను. పర్యావరణ గణేష్‌ ఉత్సవాలు కూడా ఒక సేవలాంటిదే. ప్రజలు అందరికి గణేష్‌ ఉత్సవ్‌ శుభాకాంక్షలు’’

‘‘సెప్టెబర్‌4న మదర్‌ థెరిస్సాకు సెయింట్‌ హోదాను ప్రదానం చేయనున్నారు. ఈ సందర్భంగా కేంద్రమంత్రి సుష్మాస్వరాజ్‌ నేతృత్వంలోని ఓ బృందం వాటికన్‌ వెళ్లనుంది. మనం మహోన్నత వ్యక్తుల నుంచి ఎప్పుడూ స్ఫూర్తి పొందుతాం’’

‘‘గంగానది ప్రక్షాళనకు ప్రభుత్వం కృషి చేస్తోంది. గంగా సమీపంలో బహిర్భూమికి వెళ్లకుండా చర్యలు తీసుకుంటాము. ప్రభుత్వం మరుగుదొడ్ల నిర్మాణానికి కృషి చేస్తుంది. ఐదు రాష్ట్రాల ముఖ్యమంత్రులు గంగా ప్రక్షాళనకు కృషి చేస్తున్నారు. వారికి నా ధన్యవాదాలు తెలియజేస్తున్నాను’’ అని ప్రధాని మోదీ తన ప్రసంగంలో పేర్కొన్నారు.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు
Property Handling 300x50

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.