పాక్‌ గెలుపుపై సంబరాలు.. విద్యార్థుల మీద ‘ఉపా’ కేసులు

ప్రధానాంశాలు

పాక్‌ గెలుపుపై సంబరాలు.. విద్యార్థుల మీద ‘ఉపా’ కేసులు

కశ్మీర్‌లో కొత్త వివాదం

రాజస్థాన్‌లో ఉపాధ్యాయిని తొలగింపు

శ్రీనగర్‌, జైపుర్‌: ఇటీవల జరిగిన భారత్‌-పాక్‌ క్రికెట్‌ మ్యాచ్‌లో పాక్‌ గెలుపు సాధించడాన్ని ఆస్వాదిస్తూ సంబరాలు చేసుకున్న వైద్య విద్యార్థులపై జమ్మూ-కశ్మీర్‌ పోలీసులు రెండు ఠాణాల పరిధిలో కేసులు నమోదు చేశారు. చట్ట వ్యతిరేక కార్యకలాపాల నిరోధక చట్టం (ఉపా) కింద వీరిపై అభియోగాలు మోపారు. పాక్‌ విజయంపై కశ్మీర్‌ లోయలో పలుచోట్ల విద్యార్థులు కేరింతలు కొడుతున్న దృశ్యాలు సామాజిక మాధ్యమాల్లో తిరుగుతున్నాయి. మానవతా దృక్పథంతో విద్యార్థులపై కఠినమైన ఉపా కేసుల్ని ఉపసంహరించుకోవాలని లెఫ్టినెంట్‌ గవర్నర్‌ను జమ్మూ-కశ్మీర్‌ విద్యార్థుల సంఘం కోరింది. అటు రాజస్థాన్‌లోని ఉదయ్‌పుర్‌లో ఓ ప్రైవేటు పాఠశాల ఉపాధ్యాయురాలు ఇదే అంశంపై ఉద్యోగాన్ని కోల్పోవాల్సి వచ్చింది. పాక్‌ విజయాన్ని ప్రస్తావిస్తూ ‘మనం గెలిచాం’ అనే అర్థంతో వాట్సప్‌లో ఆమె స్టేటస్‌ పెట్టారు. పోలీసులు ఆమెపై కేసు నమోదు చేశారు.

Advertisement


Tags :

ప్రధానాంశాలు

జిల్లా వార్తలు

దేవతార్చన


మరిన్ని