Latest Telugu News | Breaking News Telugu | Telugu News Today | News in Telugu

తాజా వార్తలు

Facebook Share Twitter Share Comments Telegram Share
IRCTC Rampath Yatra: ‘రామ్‌పథ్’ రైలులో కాశీ, అయోధ్య చుట్టొద్దామా..?

ఇంటర్నెట్‌ డెస్క్‌: ఈ శీతాకాలంలో హాలిడే ప్లాన్‌ చేస్తున్నారా? అయోధ్య, వారణాసి, ప్రయాగ్‌రాజ్‌ వంటి పుణ్యక్షేత్రాల్ని చుట్టిరావాలనుకొంటున్నారా? అయితే, ఐఆర్‌సీటీసీ ప్రత్యేక ప్యాకేజీని ప్రకటించింది. శ్రీ రామ్‌పథ్‌ యాత్ర పేరిట స్పెషల్‌ టూరిస్టు రైలును సిద్ధం చేసింది. ఈ నెల 25న గుజరాత్‌లోని సబర్మతి జంక్షన్‌ నుంచి ప్రారంభమయ్యే ఈ రైలు దేశంలోని పలు ప్రఖ్యాత పుణ్యక్షేత్రాలు కలిగిన నగరాల మీదుగా సాగనుంది. ఈ ప్యాకేజీపై ఐఆర్‌సీటీసీ వెల్లడించిన వివరాల ప్రకారం.. డిసెంబర్‌ 25న ఉదయం 6.05 గంటలకు గుజరాత్‌లోని సబర్మతి జంక్షన్‌ రైల్వే స్టేషన్‌లో బయలుదేరే ఈ రైలు మధ్యప్రదేశ్‌ను కలుపుతూ అయోధ్యకు చేరుకోనుంది. మరుసటి రోజుకు రత్లాం, ఉజ్జయినికి చేరుకోనుంది.

రూట్‌ ఇదే: అయోధ్య, వారణాసి, నందిగ్రామ్‌, ప్రయాగ్‌రాజ్‌, చిత్రకూట్‌ ప్రాంతాలకు భక్తుల్ని తీసుకెళ్తుంది. వీటి మధ్య సబర్మతి జంక్షన్‌, ఛాయాపురి, ఆనంద్‌, గోద్రా, రత్లాం, దహోడ్‌, నగ్ద, మక్సి, ఉజ్జయిని, సుజల్‌పుర్‌, ఎస్‌ హర్‌దరమ్‌నగర్‌, సెహోర్‌, విదిశ, బినా, గంజ్‌ బసోడా, ఝాన్సీ స్టేషన్లలో ఆగుతుంది. ఏడు రాత్రులు/ఎనిమిది రోజుల పాటు కొనసాగే ఈ యాత్ర.. డిసెంబర్‌ 25న ప్రారంభమై 2022 జనవరి 1తో ముగుస్తుంది. ఈ యాత్రకు వెళ్లాలనే ఆసక్తి కలిగిన పర్యాటకులకు టికెట్లు ఐఆర్‌సీటీసీ వెబ్‌సైట్‌లో అందుబాటులో ఉన్నాయి. లేదంటే ఐఆర్‌సీటీసీ టూరిస్ట్‌ ఫెసిలిటేషన్‌ కేంద్రం లేదా రీజినల్‌ కార్యాలయాల్లోనూ పొందొచ్చు. 

టికెట్‌ ధర ఎంత?: మొత్తం 640 సీట్లు కలిగిన ఈ ప్రత్యేక టూరిస్టు రైలులో ప్రయాణానికి రెండు వేర్వేరు ధరలను ఐఆర్‌సీటీసీ నిర్ణయించింది. స్లీపర్‌ తరగతిలో టికెట్‌ ధర ₹7,560 కాగా.. థర్డ్‌ ఏసీ కేటగిరీలో ప్రయాణానికి ధరను ₹12,600గా నిర్ణయించారు. ఈ రైలులో 320 సీట్లు ఏసీ కాగా.. మిగతా 320 సీట్లు స్లీపర్‌ క్లాస్‌. రామ్‌పథ్ రైలులో ప్రయాణికులకు ఉదయం టీ/కాఫీ, అల్పాహారంతో పాటు మధ్యాహ్నం భోజనం, రాత్రి భోజనం అందించనున్నారు. ఆయా యాత్రా స్థలాల్లో ప్రవేశ రుసుం, లాండ్రీ, ఔషధాలు, టూర్‌గైడ్‌ తదితర సర్వీసులు మాత్రం ఈ ప్యాకేజీ పరిధిలోకి రావు. వీటికి అదనంగా చెల్లించుకోవాల్సిందే..!

ఈ ఏడాదిలో ఇది మూడో రామ్‌పథ్‌ యాత్ర రైలు కావడం విశేషం. ఫిబ్రవరిలో ఇండోర్‌ నుంచి అయోధ్యకు.. రెండోది ఇటీవల పుణె నుంచి అయోధ్యకు నడిపారు. వీటికి పర్యాటకుల నుంచి విశేష ఆదరణ లభించడంతో మరోసారి నడుపుతున్నట్టు అధికారులు వెల్లడించారు.

క్యాన్సిలేషన్‌ పాలసీ: పర్యటన క్యాన్సిలేషన్‌ పాలసీ ప్రకారం.. బుకింగ్‌ చేసుకున్న రైలు టికెట్‌ను 15 రోజుల ముందు రద్దు చేసుకుంటే ₹250లు క్యాన్సిలేషన్‌ ఛార్జి అవుతుంది. అదే 8 నుంచి 14 రోజుల్లోపైతే టికెట్‌ మొత్తం ధరలో 25%, 4 నుంచి 7 రోజుల్లోపు అయితే 50%, నాలుగు రోజుల కన్నా తక్కువ అయితే 100% కోల్పోవాల్సి వస్తుంది.

Read latest General News and Telugu News


మరిన్ని

+

© 1999- 2022 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

For Editorial Feedback - eMail: infonet@eenadu.net
For Digital Marketing enquiries Contact : 040 -
23318181 eMail :marketing@eenadu.net
Best Viewed In Latest Browsers
Terms & Conditions   |   Privacy Policy
Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.