Payyavula Keshav: చంద్రబాబు దిల్లీ వెళితే తాడేపల్లి ప్యాలెస్‌లో ప్రకంపనలు: పయ్యావుల

అమరావతి: తెదేపా అధినేత చంద్రబాబు దిల్లీ వెళితే తాడేపల్లి ప్యాలెస్‌లో ప్రకంపలను వస్తున్నాయని ఏపీ పీఏసీ ఛైర్మన్‌, ఎమ్మెల్యే పయ్యావుల కేశవ్‌ అన్నారు. మూడేళ్ల తర్వాత దిల్లీ వెళ్లిన చంద్రబాబుతో మాట్లాడేందుకు అక్కడ చాలా మంది నేతలు ఉత్సాహం చూపించారని చెప్పారు. అమరావతిలో పయ్యావుల మీడియాతో మాట్లాడారు. సీఎం జగన్‌ కూడా దిల్లీ వెళ్లారని.. ప్రత్యేకహోదా, పోలవరం నిధులు తదితర అంశాలపై ప్రధానితో ఏమైనా చర్చించారా? అని ఆయన ప్రశ్నించారు. అక్కడ ఏం జరిగిందనేది ప్రజలకు సీఎం చెప్పాల్సిన అవసరముందన్నారు. 

నా గన్‌మెన్లనే ఎందుకు మారుస్తున్నారు?

గన్‌మెన్లను తగ్గించే అంశంపై పయ్యావుల మాట్లాడుతూ భద్రత విషయంలో వైకాపా నేతలకు లేని షరతులు తనకే ఎందుకని ప్రశ్నించారు. అంత అవసరం ఏమొచ్చిందని నిలదీశారు. తనను ఏదో ఒక కేసులో ఇరికించేందుకు ప్రయత్నాలు జరుగుతున్నట్లు సమాచారముందని ఆయన చెప్పారు. తన నియోజకవర్గం ఉరవకొండ ప్రాంతంలో ఇటీవల మాజీ నక్సలైట్ల కదలికలు పెరిగాయన్నారు. ఈ పరిణామాల నేపథ్యంలో తన గన్‌మెన్లనే ఎందుకు మారుస్తున్నారని పయ్యావుల కేశవ్‌ నిలదీశారు.



మరిన్ని

ap-districts
ts-districts