Parthiv Patel: ఎంఎస్‌ ధోనీ కాదు.. నేను బాగా ఆడకపోవడం వల్లే తొలగించారు - telugu news i was dropped because of my performance says parthiv patel
close
Published : 24/07/2021 01:11 IST
Facebook Share Twitter Share WhatsApp Share Telegram Share Link Share

Parthiv Patel: ఎంఎస్‌ ధోనీ కాదు.. నేను బాగా ఆడకపోవడం వల్లే తొలగించారు

ఇంటర్నెట్‌ డెస్క్‌: టీమ్‌ఇండియాలో చోటు కోల్పోవడానికి ఎంఎస్‌ ధోనీ కారణం కాదని మాజీ వికెట్‌కీపర్ పార్థివ్‌ పటేల్‌ అంటున్నాడు. అతడితో సమాంతరంగా కెరీర్‌ ఉండటం పట్ల బాధపడటం లేదని స్పష్టం చేశాడు. నిజానికి మహీ కన్నా ముందే తాను అరంగేట్రం చేశానని వెల్లడించాడు.

‘నిజాయతీగా చెబుతున్నా. ధోనీతో సమాంతరంగా కెరీర్‌ ఉండటం దురదృష్టంగా భావించను. నిజానికి టీమ్‌ఇండియాలో నేనే ముందుగా అరంగేట్రం చేశాను. నా ప్రదర్శన అంతర్జాతీయ స్థాయిలో లేకపోవడంతోనే చోటు కోల్పోయాను. అవకాశాలు వచ్చినా నన్ను నేను నిరూపించుకోలేదు. అప్పుడు మహీ వచ్చాడు. ఆ తర్వాత అంతర్జాతీయ స్థాయిలో ఆడకపోవడం దురదృష్టంగా భావించను. ఎందుకంటే అప్పటికే నేను 19 టెస్టులు ఆడాను. మరిన్ని అవకాశాలు రాలేదనీ చెప్పను. 19 టెస్టులంటే చాలా ఎక్కువే’ అని పార్థివ్‌ పటేల్‌ అన్నాడు.

పార్థివ్‌ పటేల్‌ 2002లోనే టెస్టు క్రికెట్లో అరంగేట్రం చేశాడు. అయితే అనుకున్న స్థాయిలో రాణించలేదు. అదే సమయంలో మహీ కనిపించాడు. అందివచ్చిన అవకాశాలను ఒడిసిపట్టాడు. అంతర్జాతీయ స్టార్‌గా ఎదిగాడు. కీపింగ్‌, బ్యాటింగ్‌, కెప్టెన్సీలో తనదైన ముద్ర వేశాడు. దాంతో పార్థివ్‌, దినేశ్‌ కార్తీక్‌ ఎక్కువ అంతర్జాతీయ క్రికెట్‌ ఆడలేక పోయారు. 25 టెస్టులు, 38 వన్డేలు, 2 టీ20లు ఆడిన పార్థివ్‌ కొన్ని నెలల క్రితమే క్రికెట్‌కు వీడ్కోలు పలికాడు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని