MaheshBabu NTR: ఒకే స్టేజ్‌పై మహేశ్‌-ఎన్టీఆర్‌.. రికార్డుల మోత మోగాల్సిందే..! - telugu news maheshbabu and ntr shares screen space
close
Updated : 19/09/2021 10:59 IST
Facebook Share Twitter Share WhatsApp Share Telegram Share Link Share

MaheshBabu NTR: ఒకే స్టేజ్‌పై మహేశ్‌-ఎన్టీఆర్‌.. రికార్డుల మోత మోగాల్సిందే..!

హైదరాబాద్‌: సూపర్‌స్టార్‌ మహేశ్‌బాబు, యంగ్‌ టైగర్‌ ఎన్టీఆర్‌ ఒకే స్టేజ్‌పై సందడి చేసేందుకు రంగం సిద్ధమవుతోంది. వీరిద్దరి కాంబినేషన్‌లో ఓ స్పెషల్‌ ఎపిసోడ్‌కు ప్రముఖ ఛానల్‌ భారీగా ప్లాన్‌ చేసినట్లు సమాచారం. ‘ఆట నాది.. కోటి మీది’ అంటూ బుల్లితెర ప్రేక్షకులకు వ్యాఖ్యాతగా మరింత చేరువయ్యారు తారక్‌. ఆయన హోస్ట్‌గా వ్యవహరిస్తున్న గేమ్‌ షో ‘ఎవరు మీలో కోటీశ్వరులు’.

బుల్లితెర వేదికగా ప్రముఖ ఛానల్‌లో ఇటీవల ప్రారంభమైన ఈ షో సామాన్యులకు ఎంతో చేరువైంది. ఈ షో ప్రారంభ ఎపిసోడ్‌లో రామ్‌చరణ్‌ సందడి చేయగా.. సోమవారం ప్రసారం కానున్న ఎపిసోడ్‌లో రాజమౌళి, కొరటాల శివ సైతం తమ ఆటతో మెప్పించనున్నారు. కాగా..దసరా కానుకగా ప్రసారం కానున్న ‘ఎవరు మీలో కోటీశ్వరులు’ కార్యక్రమంలో మహేశ్‌బాబు స్పెషల్‌గెస్ట్‌గా ఎంట్రీ ఇచ్చే అవకాశం ఉన్నట్లు తెలుస్తోంది. ఈ షోలో పాల్గొనేందుకు మహేశ్‌ గ్రీన్‌ సిగ్నల్‌ ఇచ్చారని.. త్వరలోనే ఈ ఎపిసోడ్‌ షూట్‌ జరగనుందని సమాచారం. ఈ వార్తలపై ఇప్పటికే నెటిజన్లు ఎంతో సంతోషం వ్యక్తం చేస్తున్నారు. మరోవైపు, వీరిద్దరి కాంబినేషన్‌లో షో వస్తే.. ఇక టీఆర్పీల పరంగా రికార్డుల మోత మోగాల్సిందే.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని