Kevin Pietersen: మోదీ ఓ హీరో.. ప్రధానిపై ఇంగ్లాండ్‌ క్రికెట్‌ మాజీ సారథి ప్రశంసలు - what a hero cricketer kevin pietersen credits pm modi for standing up for rhinos
close
Updated : 25/09/2021 01:41 IST
Facebook Share Twitter Share WhatsApp Share Telegram Share Link Share

Kevin Pietersen: మోదీ ఓ హీరో.. ప్రధానిపై ఇంగ్లాండ్‌ క్రికెట్‌ మాజీ సారథి ప్రశంసలు

ఇంటర్నెట్‌ డెస్క్‌: ఇంగ్లాండ్‌ క్రికెట్‌ జట్టు మాజీ సారథి, వన్యప్రాణి పరిరక్షకుడు కెవిన్‌ పీటర్సన్‌ ప్రధాని మోదీపై ప్రశంసలు కురిపించారు. ఖడ్గమృగాల పరిరక్షణకు మోదీ తీసుకున్న నిర్ణయాన్ని మెచ్చుకున్నారు. ప్రధానికి ధన్యవాదాలు తెలుపుతూ.. ప్రపంచ నేతలు మోదీని అనుసరించాలని కోరారు. పలు మూఢ నమ్మకాలను పటాపంచలు చేసేందుకు అస్సాం ప్రభుత్వం ఈనెల 23న ఖడ్గమృగాల కొమ్ములను కాల్చివేసింది. ఈ నేపథ్యంలోనే పీటర్సన్‌ మోదీని అభినందించారు. ‘థాంక్యూ నరేంద్ర మోదీ. ఖడ్గమృగాల జాతుల పరిరక్షణ కోసం నిలిచిన మహా నేత. అందుకే భారత్‌లో ఖడ్గమృగాల సంఖ్య విపరీతంగా పెరుగుతోంది. ప్రపంచ నేతలు సైతం మోదీలా చర్యలు చేపడితే ఈ జాతులను కాపాడుకోవచ్చు. మోదీ ఓ హీరో’ అంటూ ట్వీట్‌ చేశారు.

ప్రపంచ ఖడ్గమృగాల సంరక్షణ దినోత్సవాన్ని పురస్కరించుకొని ఈనెల 23న అస్సాం ప్రభుత్వం ఖడ్గమృగాల కొమ్ములను దహనం చేసింది. కజిరంగా జాతీయ ఉద్యానవనం సమీపంలోని బొకాఖట్‌ కవాతు మైదానంలో మైదానంలో 2479 కొమ్ములను కాల్చి వేసింది. ఖడ్గమృగాల కొమ్ముల్లో ఔషధ గుణాలు ఉన్నాయనే అపోహలతో.. అనేక చోట్ల వాటిని వేటాడుతున్నారు. ఈ అపోహలను తొలగించేందుకు ఈ కార్యక్రమం చేపట్టినట్లు సర్కారు వెల్లడించింది. ఈ నేపథ్యంలోనే అస్సాం ప్రభుత్వాన్ని ప్రధాని మోదీ మెచ్చుకున్నారు. ‘ఇది ఓ గొప్ప ప్రయత్నం. ఒంటి కొమ్ము ఖడ్గమృగాలు భారతదేశానికే గర్వకారణం. వాటి శ్రేయస్సు కోసం అన్ని చర్యలు తీసుకుంటాం’ అంటూ ట్వీట్‌ చేశారు. కాగా మోదీ చేసిన ట్వీట్‌కు కెవిన్‌ పీటర్సన్‌ స్పందిస్తూ ఆయనను ప్రశంసించారు.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని