close
అప్పటి ముచ్చట్లు
Facebook Share Twitter Share WhatsApp Share Telegram Share Comments
లైట్ల బకాయితో మూతబడిన స్టూడియో

ఇంటర్నెట్‌డెస్క్‌: ఆంధ్రప్రదేశ్‌లో మొదటి స్టూడియో రాజమండ్రిలో వెలసిందనేది చరిత్ర. 1936లో ‘సంపూర్ణ రామాయణం’ తీశారు. స్టూడియో పేరు, కంపెనీ పేరు ఒకటే. దుర్గా సినీ టోన్‌. ఒక్క చిత్రంతోనే నిర్మాణం ఆగిపోయింది. ఆ సామాగ్రిని బొబ్బలి రాజావారు, చిక్కవరం జమిందారూ తీసుకుని ఆంధ్ర సినీటోన్‌ పేరుతో విశాఖపట్నంలో స్టూడియో ఏర్పాటు చేశారు. ఆ స్టూడియోలో ‘మోహిని భస్మాసుర(1938), భక్త జయ్‌దేవ్‌(1938), పాశుపతాస్త్ర మూడు సినిమాలు నిర్మించారు.

‘భక్త జయ్‌దేవ్‌’ని హిరేన్‌బోస్‌ డైరక్ట్‌ చేశారు. ‘మోహినీ భస్మాసుర’ను సి.పుల్లయ్య తెరకెక్కించారు. ఇక ‘పాశుపతాస్త్ర’కు కొచ్చెర్లకోట రంగారావు దర్శకత్వం వహించారు. ఈ సినిమాల కోసం స్టూడియోకి కావాల్సిన లైట్లు ఓ కంపెనీ నుంచి అద్దెకు తెచ్చారు. పై మూడు చిత్రాల తర్వాత, ఇంకో పౌరాణికం ఆరంభమై షూటింగ్‌ దశలో ఉంది. అయితే, లైట్లు ఇచ్చిన కంపెనీకి చెల్లించాల్సిన డబ్బును కట్టాల్సిందని, ఎన్నిసార్లు హెచ్చరికలు పంపినా స్టూడియోవారు పట్టించుకోలేదు. దీంతో ఆ కంపెనీ వాళ్లు అకస్మాత్తుగా స్టూడియోలో ప్రవేశించి, వెలుగుతున్న దీపాల్ని పట్టుకుపోయారట. షూటింగ్‌ ఆగిపోయింది. ఆ తర్వాత కొత్త లైట్లను తీసుకొచ్చే ప్రయత్నం కానీ, బకాయిలు చెల్లించి తీసుకెళ్లిన లైట్లను తిరిగి తీసుకురావడం కానీ చేయలేదు. దాంతో షూటింగ్‌లు లేక స్టూడియో కూడా మూతపడింది.


Tags :

తాజా వార్తలు

టాలీవుడ్‌

మరిన్ని

ఫోటోలు

హీరో మరిన్ని

హీరోయిన్ మరిన్ని

సినిమా స్టిల్స్ మరిన్ని

ఈవెంట్స్ మరిన్ని

జిల్లా వార్తలు

దేవ‌తార్చ‌న

రుచులు
+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.