close
Array ( ) 1

తాజా వార్తలు

Published : 19/05/2020 23:57 IST
Facebook Share Twitter Share WhatsApp Share Telegram Share

శాసించే స్థాయికి రైతులు ఎదగాలి:నిరంజన్‌ రెడ్డి

హైదరాబాద్: వర్షాకాలంలో కంది, పత్తిపంటలు ఎక్కువగా సాగు చేయాలని రాష్ట్ర వ్యవసాయ శాఖ మంత్రి సింగిరెడ్డి నిరంజన్‌ రెడ్డి తెలిపారు. ఈ సీజన్‌లో మొక్కజొన్న పంటను అసలే వేయొద్దని రైతులకు సూచించారు. పంటల సాగుపై ఈ నెల 21న ముఖ్యమంత్రి కేసీఆర్‌తో సమావేశం ఉంటుందని మంత్రి చెప్పారు. హైదరాబాద్‌లోని హాకాభవన్‌లో వ్యవసాయశాఖ ఉన్నతాధికారులు, వ్యవసాయ నిపుణులు, శాస్త్రవేత్తలతో సమగ్ర వ్యవసాయ విధానంపై మంత్రి సమీక్షించారు. ఈ సందర్భంగా మంత్రి మాట్లాడుతూ... పంటవేయటం దగ్గర నుంచి అమ్ముకునే వరకు ప్రభుత్వ సూచనలు పాటించి ఆశించిన స్థాయి నుంచి శాసించే స్థాయికి రైతు ఎదగాలన్నారు. రేపు ఉదయం 10గంటలకు మర్రి చెన్నారెడ్డి మానవ వనరుల అభివృద్ధి కేంద్రంలో సమగ్ర వ్యవసాయ విధానంపై సమావేశం ఉంటుందని మంత్రి వెల్లడించారు. ఈ సమావేశాలకు రైతు బంధు సమితి రాష్ట్ర, జిల్లా అధ్యక్షులు, జిల్లా వ్యవసాయ అధికారులు రాష్ట్ర స్థాయి వ్యవసాయ అధికారులు, నిపుణులు హాజరవుతారని మంత్రి వివరించారు.

రాష్ట్రంలో ఏ పంట ఎంత విస్తీర్ణంలో సాగు చేయాలి అన్న అంశంపై మంత్రివర్గ సమావేశంలో చర్చించి ప్రభుత్వం ఇప్పటికే ఖరారు చేసిన విషయం తెలిసిందే. అయితే, జిల్లాల వారీగా ఏ పంట ఎంత వేయాలి? వరిలో ఏ రకం విత్తనం.. ఎక్కడ, ఎంత వేయాలి? అనే విషయాలను ఖరారు చేసేందుకు వ్యవసాయ శాఖ మంత్రి నిరంజన్‌ రెడ్డి ఆధ్వర్యంలో వ్యవసాయాధికారులు, వ్యవసాయ యూనివర్సిటీ అధికారులు సమావేశాలు నిర్వహిస్తున్నారు. ఈ సమావేశాల అనంతరం జిల్లాల వారీగా పంటల మ్యాప్‌ను రూపొందించననున్నారు. ఆ పంట మ్యాప్‌పై 21న జరగనున్న సమావేశంలో మంత్రులు, అధికారులతో సీఎం కేసీఆర్‌ చర్చించి ఎక్కడ ఏ పంట వేయాలో నిర్ణయం తీసుకోనున్నారు.
 


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.