సైకిల్‌పై విధులకు రాష్ట్ర మంత్రి..!
close

తాజా వార్తలు

Updated : 05/11/2020 11:02 IST
Facebook Share Twitter Share WhatsApp Share Telegram Share Link Share

సైకిల్‌పై విధులకు రాష్ట్ర మంత్రి..!

లఖ్‌నవూ: విద్యుత్‌ను ఆదాచేయాలని.. పర్యావరణాన్ని పరిరక్షించాలనే నినాదాన్ని కేవలం మాటలకే పరిమితం చేయకుండా ఈ రాష్ట్ర మంత్రి ఆచరణలో పెట్టారు. ఉత్తర్‌ ప్రదేశ్‌ విద్యుత్‌ శాఖ మంత్రి శ్రీకాంత్‌ శర్మ తన కార్యాలయానికి సైకిల్‌ మీద వెళ్లడం ప్రారంభించి పలువురికి ఆదర్శంగా నిలిచారు. ప్రజల్లో పర్యావరణ పరిరక్షణను గురించిన అవగాహనను పెంచేందుకే తాను ఈ నిర్ణయానికి వచ్చినట్టు మంత్రి చెప్పారు. విధినిర్వహణలో భాగంగా నగరంలోని బంగ్లా బజార్‌, ఆషియానా ప్రాంతాల్లోని విద్యుత్‌ సబ్‌సెంటర్లకు కూడా  సైకిల్‌ పైనే చేరుకున్న శర్మ.. అక్కడి పనితీరును పర్యవేక్షించారు. అంతేకాకుండా నగరంలోని పలువురు వినియోగదారులను స్వయంగా కలసి విద్యుత్‌ సరఫరా బాగోగులను గురించి అడిగి తెలుసుకున్నారు.

సంబంధిత సమస్యలు ఏవేనా ఉంటే ఉచిత హెల్ప్‌లైన్‌ ఫోన్‌ నంబరు 1912కు తెలపాలని విద్యుత్‌ శాఖ మంత్రి శర్మ వారికి వివరించారు. భారీ బకాయిదార్లకు విద్యుత్‌ కనెక్షన్‌ను తొలగించడం తమ విధానం కాదని.. వారు తమ బకాయిలను నాలుగు దఫాల్లో కట్టేందుకు అవకాశం కలిగించామని మంత్రి ఈ సందర్భంగా అన్నారు. విద్యుత్‌ బిల్లుల బకాయిలను చెల్లించాలంటూ వారికి విజ్ఞప్తి చేశారు. ఇందుకు స్పందించిన వినియోగదారులు పెద్ద సంఖ్యలో అక్కడికక్కడే బిల్లులు చెల్లించడం గమనార్హం.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని