* పారిస్‌ వాతావరణ ఒప్పందంలోని లక్ష్యాలకు అనుగుణంగా భూతాపంలో పెరుగుదలను 2 డిగ్రీల సెల్సియస్‌ కన్నా బాగా తక్కువకు పరిమితం చేయకుంటే మొత్తం ఒక తరం ఆరోగ్యంపై ప్రభావం పడుతుంది. ప్రస్తుతం ఈ పభావం శిశువులు, చిన్నారులపైనే ఎక్కువగా ఉంటోంది.

* ఉష్ణోగ్రతల్లో పెరుగుదల, మారుతున్న వర్షపాత తీరుతెన్నుల వల్ల విజృంభించే డెంగీ, మలేరియా వంటి వ్యాధుల ముప్పు కూడా చిన్నారులకే ఎక్కువ. ప్రపంచ జనాభాలో సగం మేర ఇప్పుడు ఈ వ్యాధి ముప్పును ఎదుర్కొంటోంది. ఉబ్బసం, గుండెపోటు, పక్షవాతం వంటివి కూడా పొంచి ఉంటాయి.

కార్చిచ్చు.. ఆరోగ్యానికి చిచ్చు..

నేడు జన్మించే చిన్నారులు తర్వాతి దశల్లో తీవ్ర వరదలు, దీర్ఘకాల కరవులు, కార్చిచ్చు వంటివి ఎక్కువగా చవిచూస్తారు. మొత్తం 196 దేశాలకు గాను 152 దేశాల్లో 2001-2004 నుంచి కార్చిచ్చు ప్రభావాన్ని ఎదుర్కొంటున్న ప్రజల సంఖ్య పెరుగుతోంది.

కార్చిచ్చుతో ఎదురైన సమస్యలు

మరణాలు, శ్వాసకోశ ఇబ్బందులతో పాటు నివాసాలను కోల్పోవడం వంటివి..

భారత్‌కు ముప్పు ఎక్కువ

అధిక జనాభా, ఆరోగ్య పరిరక్షణల్లో తీవ్ర అసమానతలు, పేదరికం, పోషకాహార లోపం వంటి సమస్యలున్న భారత్‌ వంటి దేశాల్లో వాతావరణ మార్పుల వల్ల ఎక్కువ నష్టం ఉంటుందని తాజా నివేదిక రూపకల్పనలో పాలుపంచుకున్న పూర్ణిమా ప్రభాకరన్‌ చెప్పారు. భారత్‌లో డయేరియా సంబంధ ఇన్‌ఫెక్షన్లతో చిన్నారుల్లో మరణాలు పెరుగుతున్నాయన్నారు. 2015లో వేల మందిని బలతీసుకున్న వడగాల్పులు ఇక తరచూ సంభవించొచ్చని తెలిపారు.

2.1 కోట్ల మంది

భారత్‌లో కార్చిచ్చు ప్రభావానికి గురైన వారి సంఖ్య