close

తాజా వార్తలు

Published : 22/11/2020 01:35 IST
Facebook Share Twitter Share WhatsApp Share Telegram Share

రోహిత్‌ శర్మను విమర్శిస్తే జాఫర్‌ ట్రోల్‌ చేశాడు..


ఇంటర్నెట్‌డెస్క్‌: మరికొద్ది రోజుల్లో ఆస్ట్రేలియాతో ప్రారంభమయ్యే 4 టెస్టుల సిరీస్‌లో రోహిత్‌ శర్మను తుది జట్టులో ఎంపిక చేయడం సందేహమని మాజీ స్పిన్నర్‌ బ్రాడ్‌హాగ్‌ పేర్కొనడంతో టీమ్‌ఇండియా మాజీ బ్యాట్స్‌మన్‌ వసీమ్‌ జాఫర్‌ స్పందించాడు. హాగ్‌ను ట్రోల్‌ చేస్తూ ఓ ట్వీట్‌ చేశాడు. అసలేం జరిగిందంటే.. తాజాగా ఓ నెటిజన్‌ ఈ ఆస్ట్రేలియా స్పిన్నర్‌ను.. చివరి మూడు టెస్టుల్లో విరాట్‌ కోహ్లీ గైర్హాజరీ నేపథ్యంలో అజింక్య రహానె కెప్టెన్సీపై ఓ ప్రశ్న వేశాడు. దానికి స్పందించిన హాగ్‌.. రహానె అద్భుతంగా ఆడతాడని చెప్పాడు. అలాగే రోహిత్‌ను ఉద్దేశించి టెస్టు క్రికెట్‌లో అతడి రికార్డులు చూస్తే తుది జట్టులో అవకాశం లభించేలా లేదని విమర్శించాడు. 

ఈ ట్వీట్‌ను చూసిన జాఫర్‌.. ‘రా బేటా రా.. ఇక్కడికి రా’ అనే అర్థం వచ్చేలా ఒక సరదా మీమ్‌ను పోస్టుచేశాడు. అలాగే టీమ్‌ఇండియాలో రోహిత్‌కు అవకాశం ఉండదా అంటూ నవ్వుతున్న ఎమోజీని జతచేశాడు. ఇదిలా ఉండగా, తొలుత ఆస్ట్రేలియా పర్యటనకు ప్రకటించిన 3 ఫార్మాట్ల జట్లలో రోహిత్‌ పేరు లేకపోవడం తెలిసిన విషయమే. దీనిపై తీవ్ర దుమారం రేగడంతో బీసీసీఐ మళ్లీ అతడిని టెస్టు సిరీస్‌కు ఎంపిక చేసింది. ఈ క్రమంలోనే ముంబయి ఇండియన్స్‌ ఐదోసారి టీ20 లీగ్‌ గెలిచాక హిట్‌మ్యాన్‌ బెంగళూరుకు చేరుకున్నాడు. ప్రస్తుతం అక్కడి జాతీయ అకాడమీలో శిక్షణ పొందుతున్నాడు. మరో వారంలో ప్రారంభమయ్యే పరిమిత ఓవర్ల క్రికెట్‌కు ఆడకపోయినా 4 టెస్టుల సిరీస్‌కు అందుబాటులో ఉంటాడు.


Tags :

స్పోర్ట్స్

రాజకీయం

జనరల్‌

సినిమా

క్రైమ్

బిజినెస్‌

జాతీయ-అంతర్జాతీయ

జిల్లా వార్తలు

చిత్ర వార్తలు

సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.