పాత్రికేయ వృత్తిలో చేరాలనుకుంటున్నారా?

అక్షరానికి సామాజిక ప్రయోజనం కలిగించే పాత్రికేయ వృత్తిలో చేరాలనుకుంటున్నారా? సమాజాభివృద్ధి పట్ల ఆకాంక్ష, భాష మీద పట్టు మీకు ఉంటే, ఈ ప్రకటన కచ్చితంగా మీ కోసమే. కొత్త తరం పాత్రికేయుల్ని తీర్చిదిద్దటం కోసం మల్టీమీడియా, టెలివిజన్, మొబైల్‌ జర్నలిజం విభాగాల్లో పోస్ట్‌గ్రాడ్యుయేట్‌ డిప్లొమా కోర్సుల్లో ప్రవేశానికి దరఖాస్తుల్ని ఆహ్వానిస్తున్నాం.

► ఎంపిక

మొదట వివిధ అంశాల మీద రాత పరీక్షలు జరుగుతాయి. తెలుగు, ఇంగ్లిషు భాషల్లో ప్రావీణ్యాన్నీ, అనువాద సామర్థ్యాన్నీ, వర్తమాన వ్యవహారాల్లో పరిజ్ఞానాన్నీ పరీక్షించే లఘు, వ్యాసరూప ప్రశ్నలు ఉంటాయి. తెలుగు రాష్ట్రాల్లోని అన్ని ఈనాడు ప్రచురణ కేంద్రాల్లోనూ ఈ పరీక్షలు జరుగుతాయి. వీటిలో ఉత్తీర్ణులైన వారికి బృందచర్చలు, ఇంటర్వ్యూలు ఉంటాయి. సంస్థ నియమ నిబంధనలకు లోబడి తుది ఎంపిక ఉంటుంది.

► శిక్షణ, భృతి

ఈనాడు జర్నలిజం స్కూలులో ఏడాది శిక్షణ ఉంటుంది. ఈ సమయంలో మొదటి ఆరు నెలలు Rs 14,000, తరువాతి ఆరు నెలలు Rs 15,000 చొప్పున నెలవారీ భృతి లభిస్తుంది.

► ఉద్యోగంలో

స్కూల్లో కోర్సును విజయవంతంగా పూర్తి చేసిన అభ్యర్థులకు ట్రెయినీలుగా అవకాశం లభిస్తుంది. ఏడాది పాటు జరిగే ఈ శిక్షణలో Rs 18,000 జీతం ఉంటుంది. అది పూర్తయ్యాక, శిక్షణార్థుల వ్యక్తిగత ప్రతిభ ఆధారంగా ఒక ఏడాది ప్రొబేషన్‌లో Rs 20,000 వరకూ, ఆ తరువాత కన్ఫర్మేషన్‌లో Rs 22,000 వరకూ జీతభత్యాలు ఉంటాయి.

► దరఖాస్తు విధానం

దరఖాస్తు ఆన్‌లైన్‌లో మాత్రమే చేయాలి. www.eenadu.net, pratibha.eenadu.net/eenadupratibha.netలలో దరఖాస్తు అందుబాటులో ఉంటుంది. దరఖాస్తు రుసుము Rs 200 ఆన్‌లైన్‌లోనే చెల్లించాలి. దరఖాస్తు ధ్రువీకరణ నకలును అభ్యర్థులు తమ వద్ద తప్పనిసరిగా ఉంచుకోవాలి.

► ఒప్పంద పత్రం

స్కూల్లో చేరిన అభ్యర్థులు ఏడాది తదనంతర శిక్షణతో కలిపి రామోజీ గ్రూపు సంస్థల్లో 3 సంవత్సరాలు విధిగా పనిచేయాలి. ఈ మేరకు కోర్సు ప్రారంభంలోనే ఒప్పంద పత్రాన్ని సమర్పించాలి.

అర్హతలు

• తేట తెలుగులో రాయగల నేర్పు    
• ఆంగ్లభాషపై అవగాహన 
• లోకజ్ఞానం, వర్తమాన వ్యవహారాలపై పట్టు    
• ప్రజా శ్రేయస్సు కోసం పాటుపడాలన్న తపన
• మీడియాలో స్థిరపడాలన్న బలమైన ఆకాంక్ష
• 01.06.2023 నాటికి 28కి మించని వయసు
• డిగ్రీ ఉత్తీర్ణత 

(డిగ్రీ చివరి ఏడాది పరీక్షలు రాసేవారూ అర్హులే)

ముఖ్య తేదీలు

నోటిఫికేషన్‌ : 23.03.2023

ఆన్‌లైన్లో దరఖాస్తుల సమర్పణకు గడువు: 06.04.2023

ప్రవేశ పరీక్ష: 16.04.2023

కోర్సు ప్రారంభం: 05.06.2023

ఈనాడు జర్నలిజం స్కూలు

రామోజీ ఫిల్మ్‌సిటీ, హైదరాబాద్‌ - 501 512. ఫోన్‌: 040 2223 2223