కరెంట్‌ అఫైర్స్‌

మాదిరి ప్రశ్నలు

దేశంలోనే మొదటిది అయిన వైడ్‌ ప్లేట్‌ మిల్‌ను 2022, డిసెంబరు 27న రాష్ట్రపతి ద్రౌపదీ ముర్ము ఏ నగరంలో ప్రారంభించి జాతికి అంకితం చేశారు? (ఈ నగరంలోని రక్షణ మంత్రిత్వ శాఖకు చెందిన మిశ్రధాతు నిగమ్‌ (మిధాని) లిమిటెడ్‌లో రూ.600 కోట్ల అంచనా వ్యయంతో 30 వేల టన్నుల వార్షిక సామర్థ్యంతో దీన్ని నిర్మించారు) 

జ: హైదరాబాద్‌

జెమ్‌ (GEM- గ్లోబల్‌ ఎంటర్‌ప్రెన్యూర్‌షిప్‌ మానిటర్‌) రూపొందించిన కొత్త వ్యాపారాలను సులువుగా ప్రారంభించడానికి అనువైన అయిదు దేశాల్లో భారత్‌ ఎన్నో స్థానంలో నిలిచింది? (సౌదీ అరేబియా, నెదర్లాండ్స్‌, స్వీడన్‌లు వరుసగా తొలి మూడు స్థానాల్లో నిలిచాయి)

జ: నాలుగో స్థానం

2022, నవంబరు 14 - 17 తేదీల్లో ఐసీఎఫ్‌పీ (ఇంటర్నేషనల్‌ కాన్ఫరెన్స్‌ ఆన్‌ ఫ్యామిలీ ప్లానింగ్‌) సమావేశాన్ని ఏ దేశంలోని పట్టాయలో నిర్వహించారు? (అత్యాధునిక, అత్యంత నాణ్యమైన కుటుంబ నియంత్రణ విధానాలను అనుసరిస్తున్నందుకు భారత్‌కు ఈ సదస్సులో ‘ఎక్సెల్‌ అవార్డు’ను ప్రదానం చేశారు)                                    

జ: థాయ్‌లాండ్‌

ప్రస్తుత 2022 - 23 ఆర్థిక సంవత్సరం సెప్టెంబరు చివరికి కేంద్ర ప్రభుత్వం చెల్లించాల్సిన రుణాల మొత్తం ఎంతకు చేరినట్లు కేంద్ర ఆర్థిక మంత్రిత్వ శాఖ వెల్లడించింది? (2022 జూన్‌ చివరికి ఇవి రూ.145.72 లక్షల కోట్లుగా ఉన్నాయి) 

జ: రూ.147.19 లక్షల కోట్లు