TS News: వైద్య కళాశాలల్లో 1,442 అసిస్టెంట్‌ ప్రొఫెసర్‌ పోస్టుల ఫైనల్‌ మెరిట్‌ జాబితా ఇదిగో!

హైదరాబాద్‌: తెలంగాణలో తొమ్మిది కొత్త ప్రభుత్వ వైద్య కళాశాలల్లో నియమించేందుకు 1,442 అసిస్టెంట్‌ ప్రొఫెసర్‌ ఉద్యోగాల భర్తీకి సంబంధించి తుది మెరిట్ జాబితా విడుదలైంది. ఈ జాబితాను మెడికల్‌ అండ్‌ హెల్త్‌ సర్వీసెస్‌ రిక్రూట్‌మెంట్‌ బోర్డు (MHSRB) సోమవారం ప్రకటించింది. మొత్తం 34 స్పెషాలిటీల్లో విడివిడిగా జాబితాను అధికారిక వెబ్‌సైట్‌లో పొందుపరిచింది. ఈ విషయాన్ని ఆరోగ్యశాఖ మంత్రి హరీశ్‌రావు ట్విటర్‌లో వెల్లడించారు. ఆరోగ్య తెలంగాణే లక్ష్యంగా ప్రతి జిల్లాలో ఒక ప్రభుత్వ వైద్య కళాశాల ఉండాలన్నది సీఎం కేసీఆర్‌ విజన్‌ అన్నారు. దీంట్లో భాగంగానే ఈ నియామక ప్రక్రియ కేవలం ఐదు నెలల వ్యవధిలోనే పారదర్శకంగా పూర్తి చేసినట్టు తెలిపారు. అసిస్టెంట్‌ ప్రొఫెసర్లుగా ఎంపికైన వైద్యులందరికీ కంగ్రాట్స్‌ చెప్పారు. అలాగే, ఈ నియామక ప్రక్రియను పారదర్శకంగా పూర్తి చేసేందుకు కృషిచేసిన రిక్రూట్‌మెంట్‌ బోర్డు అధికారులను మంత్రి అభినందించారు. 

మెరిట్‌ జాబితా కోసం క్లిక్‌ చేయండి