పుచ్చకాయ తిని.. ప్రశాంతంగా ఉండండి!

పోషకాలమ్‌

ఎండలో బయటకు వెళ్లినప్పుడు పుచ్చకాయ ముక్కలను తిని దాహం తీర్చుకోవడం మామూలే. దీంట్లో ఉండే పోషకాల గురించి తెలుసుకుంటే తరచూ తీసుకోకుండా ఉండలేరు. అవేమిటంటే...

* పుచ్చకాయలో విటమిన్‌-ఎ, బి1, బి6, సి ఉన్నాయి. పొటాషియం, మెగ్నీషియం, మాంగనీస్‌, బయోటిన్‌.. లాంటి పోషకాలూ ఎన్నో ఉన్నాయి.
* తక్కువ కెలొరీలు, ఎక్కువ పోషకాలుంటాయి. పీచు పదార్థం, నీరూ ఎక్కువే. అధిక రక్తపోటును నియంత్రిస్తుంది.
* విటమిన్‌-ఎ కంటి చూపును మెరుగుపరుస్తుంది. విటమిన్‌-సి వ్యాధినిరోధక శక్తిని పెంచుతుంది.
* శరీర ఉష్ణోగ్రతను నియంత్రిస్తుంది. డీహైడ్రేషన్‌కు గురికాకుండా చేస్తుంది. వడదెబ్బ నుంచీ రక్షిస్తుంది. శరీరంలోని వ్యర్థాలను సమర్థంగా బయటకు పంపడానికి తోడ్పడుతుంది.
* జీర్ణసంబంధిత సమస్యలు రాకుండా చేస్తుంది. గ్యాస్‌, అజీర్ణం నుంచి ఉపశమనం పొందొచ్చు.
* నాడీ వ్యవస్థను ప్రభావితం చేసి మనసును ప్రశాంతంగా ఉంచుతుంది. దీంతో ఆందోళన, ఒత్తిడి నుంచి ఉపశమనం పొందొచ్చు.