విందులో కంద చేరితే...

కందలేని కార్తీకమాసం ఉంటుందా? కందా, బచ్చలి.. కందకూర.. ఇలా రుచిలో అద్భుతంగా ఉండే ఈ కూర, పోషకాల్లోనూ అద్భుతమే తెలుసా?

* కొవ్వు తక్కువగా ఉండి... చెడు కొలెస్ట్రాల్‌ని తగ్గించే ఈ ఆహారంలో ఒమెగా త్రీ ఫ్యాటీ ఆమ్లాలు ఉంటాయి.

* యాంటీ ఆక్సిడెంట్లు అధికంగా ఉండే ఈ ఆహారం చర్మం ముడతలు పడకుండా కాపాడుతుంది.

* దీనిలో పెద్దమొత్తంలో ఉండే పీచు శరీరంలోని వ్యర్థాలని బయటకు నెట్టేసి కాలేయాన్ని కాపాడుతుంది. పొట్టలో నులిపురుగులు వంటివి లేకుండా చేస్తుంది.

* కంద సహజసిద్ధమైన ప్రొబయాటిక్‌ ఆహారం.. జీర్ణక్రియకు అవసరమైన మంచి బ్యాక్టీరియాని బతికించి జీర్ణశక్తిని పెంచుతుంది.

* మధుమేహంతో బాధపడేవారిలో.. ఈ ఆహారం ఒక్కసారిగా చక్కెర స్థాయిలు పెరగకుండా చూస్తుంది.

* సహజసిద్ధమైన పెయిన్‌కిల్లర్‌గా పనిచేసే కందని చర్మరోగాలున్నవారు తినకపోవడమే మంచిది. రుచి ఎంత బాగున్నా ఎక్కువగా తినకపోవడమే మేలు.

• Kandagadda
• Cholesterol
• Antioxidants
• Probiotic Food
• Diabetes