లవంగీ కూర!

చూడ్డానికి పెద్ద సైజు లవంగాల్లా, మల్లెమొగ్గల్లా భలేగా ఉన్నాయే అనుకుంటున్నారా? అందుకే వీటిని క్లోవ్‌ బీన్స్‌ అనీ లవంగీ బీన్స్‌ అనీ అంటారు. ఈ మధ్యకాలంలో దాదాపు అన్నిచోట్లా వీటిని పండిస్తున్నారు. వంకాయలు, బెండకాయలు వండినట్టుగా దీనితోనూ రుచికరమైన కూరలు చేసుకోవచ్చు..

* పాదులా పాకే ఈ కాయగూరని కేరళలో ఇంటింటికీ పెంచుతారు. ఏడాదిపొడవునా పండుతుంది కాబట్టి.. నిత్య కాయగూర అంటారు వాళ్లు దీనిని. పీచు అధికంగా ఉంటుంది. విటమిన్‌ సి ఎక్కువగా ఉండే ఈ కాయగూరని జ్వరం నుంచి కోలుకోవడానికి తింటారు.
* ఎటువంటి చీడపీడలు పట్టవు... సులభంగా పెరుగుతుంది కాబట్టి దీనిని తెలుగు ప్రాంతాల్లోనూ ఇష్టంగా పెంచుతున్నారు. కొబ్బరి వేసుకుని బెండకాయలు, దొండకాయలు వండినట్టుగా వండేసుకోవచ్చు. నిదానంగా జీర్ణమై శరీరంలో చక్కెర స్థాయిలు ఒక్కసారి పెరగకుండా చూస్తూ రోజంతా శక్తినీ, ఉత్సాహాన్ని ఇస్తుంది.