ప్రపంచం మెచ్చిన వంటకం పన్నీరు పసంద!

2022లో..

ఈ ఏడాదికి వీడ్కోలు పలికే సమయం దగ్గరకు వచ్చింది కదా! మరి ఈ సంవత్సరం మీరు ఇష్టంగా తిన్న వంటకం ఏది? ఆలోచించండి! గూగుల్‌ కూడా ప్రపంచవ్యాప్తంగా ఉన్న నెటిజన్లు ఈ ఏడాది ఇష్టంగా వెతికిన వంటకాలు ఏవో తెలుసుకొనే ప్రయత్నం చేసింది. ఆ జాబితాలో ముందున్న వంటకం పనీర్‌ పసంద్‌! తాజా పనీర్‌, మసాలాలు కలిపి చేసే ఈ వంటకాన్ని 2022లో ఎక్కువ మంది వండటానికీ, కొనడానికి ప్రయత్నించారట. చికెన్‌, మటన్‌ వంటి నాన్‌వెజ్‌ వంటకాలని కూడా తోసిరాజని ఈ పనీర్‌ పసంద ముందు వరుసలో ఉండటం విశేషం. గూగుల్‌ మొత్తం పది వంటకాలు వెల్లడిస్తే పనీర్‌ బుర్జీకూడా కూడా వాటిల్లో ఒకటి. పనీర్‌ని తురిమి చేసే ఈ వంటకాన్ని కూడా ఎక్కువమంది ఆదరించారట. ఈ ధోరణి చూస్తుంటే... ప్రజలు మాంసాహార వంటకాలకన్నా శాకాహారం వైపు అడుగులు వేస్తున్నారని ఈ ట్రెండు చెబుతోంది.