చిట్టి పనస ముచ్చట తెలుసా!

తియ్యటి రుచీ, సువాసనలతో మెప్పించే పనసపండుని ఇష్టపడని వారెవరుంటారు చెప్పండి. అయితే, ఇప్పుడు చెప్పుకొనే పండు...అచ్చంగా దాన్నే పోలి ఉన్నప్పటికీ పరిమాణంలోనూ, రుచిలోనూ కూడా కాస్త భిన్నం.  అరచేతిలో ఇమిడి పోయే వీటిని మలయాళీయులు అంజిలి చెక్క అని పిలుస్తుంటారు. వర్షపాతం ఎక్కువగా ఉండే కేరళ అటవీ ప్రాంతంలో ఎక్కువగా దొరుకుతాయివి. కొన్నాళ్లుగా కర్ణాటక, మహారాష్ట్ర, తమిళనాడు రాష్ట్రాల్లోనూ ప్రత్యేక పంటగా సాగు చేస్తున్నారు. రుచిలో పనస, అనాస పండ్లను కలిపి తిన్నట్లే ఉంటాయి. తాజాగా తెలుగు ఇన్‌ఫ్లుయెన్సర్‌ హర్షసాయి ఈ పండ్లు అమ్మే వ్యక్తి గురించి ఓ షార్ట్‌ వీడియో పెట్టగా వారం రోజుల్లోనే ఐదు మిలియన్ల మందికి పైగానే దీన్ని చూశారు. ఈ అడవి పనస ఏంటా అని అంతర్జాలంలో శోధిస్తున్నారు.