Updated : 05/07/2021 07:54 IST

AP News: ఒక్క చుక్కనూ వదులుకోం

కృష్ణా జలాలు రెండు దేశాల సమస్య కాదు
సామరస్యంగా పరిష్కరించుకోవాలి
రెచ్చగొడితే రెచ్చిపోం
ప్రభుత్వ సలహాదారు సజ్జల రామకృష్ణారెడ్డి వ్యాఖ్యలు

ఈనాడు, అమరావతి: కృష్ణా నదీ జలాలను కాపాడుకునే విషయంలో ముఖ్యమంత్రి జగన్‌మోహన్‌రెడ్డి ఏ స్థాయిలో మాట్లాడటానికైనా సిద్ధంగా ఉన్నారని రాష్ట్ర ప్రభుత్వ సలహాదారు సజ్జల రామకృష్ణారెడ్డి స్పష్టం చేశారు. ఆదివారం గుంటూరులో జరిగిన ఓ కార్యక్రమంలో ఆయన మాట్లాడుతూ ‘ఇది రెండు దేశాల మధ్య సమస్య కాదు. రెండు తెలుగు రాష్ట్రాల మధ్య సమస్య. సామరస్యంగా పరిష్కరించుకోవాల్సిన అంశం. ఈ విషయంలో ఎవరో రెచ్చగొడితే రెచ్చిపోయే మనస్తత్వం ప్రభుత్వానిది కాదు. అలా అని ఒక్క చుక్క నీటినీ వదులుకోవడానికీ ప్రభుత్వం సిద్ధంగా లేదు’ అని పేర్కొన్నారు. నదీ జలాలపై ముఖ్యమంత్రికి స్పష్టమైన వైఖరి ఉందన్నారు.

కేసీఆర్‌ తీరు దారుణం: నారాయణస్వామి

తిరుమల, న్యూస్‌టుడే: ప్రస్తుతం నెలకొన్న జల వివాదంపై తెలంగాణ సీఎం కేసీఆర్‌ వ్యవహరిస్తున్న తీరు దారుణంగా ఉందని ఏపీ ఉప ముఖ్యమంత్రి నారాయణస్వామి వ్యాఖ్యానించారు. ఆదివారం ఉదయం తిరుమలలో ఆయన శ్రీవారిని దర్శించుకున్నారు. అనంతరం ఆలయం వెలుపల మాట్లాడుతూ.. ఒకే తల్లి బిడ్డలమైన ఆంధ్ర, తెలంగాణ ప్రజలు నీటి కోసం తగవులాడుకోవడం బాధాకరంగా ఉందని పేర్కొన్నారు. సీఎం జగన్‌కు కేసీఆర్‌ అంటే ఎంతో అభిమానమని, రెండు రాష్ట్రాల సీఎంల మధ్య సఖ్యతను దెబ్బతీసేందుకు కొందరు ప్రయత్నిస్తున్నారని విమర్శించారు. ఇప్పటికైనా ఇరు రాష్ట్రాల ముఖ్యమంత్రులు కూర్చుని జల వివాదంపై చర్చించుకోవాలని కోరారు. ఇది ఇండియా, పాకిస్థాన్‌ వివాదం కాదన్నారు. ప్రాజెక్టుల్లో పూర్తి స్థాయి నీరు ఉంటే తెలంగాణ విద్యుత్తు ఉత్పత్తి చేసుకోవడానికి అభ్యంతరం లేదని చెప్పారు.

Read latest Top News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని